A Federación Provincial de ANPA de Centros Públicos da Coruña, en colaboración co SME, e como ampliación dos programas de lecer educativo e deporte no centro que se realizan nos CEIP da cidade durante todo o curso escolar, pretende dar a oportunidade de que as familias que así o precisaren poidan deixar as súas fillas e fillos no colexio pola tarde desde o día do inicio do curso escolar, co fin de lles facilitar a conciliación familiar a moitas nais e pais cuxo período vacacional non coincide co comezo do curso escolar.

Este programa ofrécelle ao alumnado a oportunidade de realizar xogos e deportes, así como actividades lúdicas de animación teatral, plástica, ... baixo un enfoque integrador, onde os nenos e as nenas serán os propios protagonistas mediante a creación dunha aventura virtual.