Con este programa búscase facilitar o intercambio entre escolares dos diferentes municipios de Galicia e Norte de Portugal integrantes do Eixo Atlántico, para compartir experiencias entre escolares; especificamente, dar a coñecer a cidade da Coruña ao alumnado dun centro educativo do municipio portugués de Felgueiras .
Os intercambios terán lugar durante 2 ou 3 días nos meses de abril ou maio de 2024.
Só da Coruña
Educación
Outras
Público
Alumnado que curse 5º ou 6º de Educación Primaria durante o curso 2023/2024, pertencente a un centro público do Concello da Coruña.
anual
Gratuíto
Os concellos da Coruña e Felgueiras faranse cargo de todos os gastos (desprazamentos, aloxamento e comidas, seguros de viaxe e de responsabilidade civil e acompañamento) e do apoio na organización de vistas e itinerarios polas súas respectivas cidades.
O Eixo Atlántico é unha asociación transfronteiriza de Dereito Público, formada por Municipios e Entidades da Administración Local que integran o sistema urbano da Eurorrexión Galicia - Norte de Portugal, que inclúe o Concello da Coruña.
No grupo de traballo de Educación e Cultura do mencionado Eixo, leva varios anos desenvolvendo o proxecto Intercambios Escolares,cos seguintes obxectivos:
• Promover entre os estudantes e docentes o coñecemento do seu municipio, dos municipios integrantes do Eixo Atlántico e do propio Eixo Atlántico, así como do seu patrimonio (cultural, natural, inmaterial).
• Facilitar o intercambio entre estudantes dos diversos municipios do Eixo Atlántico.
• Concienciar os estudantes da importancia de vivir nun municipio integrante do Eixo Atlántico e que conforman unha Eurorrexión.
• Promover a realización de experiencias didácticas que potencien o uso do municipio como recurso educador.
Os intercambios terán lugar durante 2 ou 3 días nos meses de abril ou maio de 2024, nas datas que se determinen por ambos os municipios, de acordo cos centros educativos participantes.
O programa inclúe os seguintes servizos:
a) Os desprazamentos de ida e volta A Coruña - Felgueiras, para o alumnado seleccionado da Coruña e 2 docentes acompañantes e un/unha técnico municipal.
b) Aloxamento en Felgueiras do grupo seleccionado, en hotel ou albergue en réxime de pensión completa.
c) O seguro de viaxe e de responsabilidade civil.
d) O aloxamento hostaleiro en cuartos dobres con pensión completa do grupo visitante de Felgueiras na Coruña.
e) Acompañamento dun/dunha monitor/a nas actividades na Coruña.
f) Os desprazamentos pola cidade da Coruña do grupo seleccionado e outros gastos que se consideren necesarios para levar a cabo os obxectivos deste programa.
Ata o 15/03/2024
A data de inicio da inscrición está por determinar.
As memorias presentaranse a través do correo electrónico: educacion@coruna.gal, coa mención no asunto "III Concurso Intercambio Escolar Eixo Atlántico ".
Un grupo escolar formado por un máximo de 30 participantes (alumnado e 2 docentes), de 5º ou 6º de educación primaria dun centro público do Concello da Coruña.
O grupo seleccionado será simultaneamente "grupo anfitrión" e "grupo visitante".
Deberá inscribirse e presentar unha proposta de proxecto de actividades a desenvolver na Coruña con grupo visitante portugués, para darlles a coñecer a cidade.
Estes proxectos poden incluír: a descrición do municipio, o patrimonio (cultural, natural e inmaterial), a súa cultura e costumes, as festas, os barrios, o noso centro educativo e o seu barrio, o porto, as infraestruturas, a economía e a sustibilidade, as tecnoloxías, as oportunidades de lecer, como vemos a cidade no presente, proxectos futuros... a condición de que se enmarquen dentro da problemática e realidade da nosa cidade.
PRESENTACIÓN DA MEMORIA
Os grupos participantes deberán presentar unha Memoria, coas seguintes características:
FORMA E PRESENTACIÓN DA MEMORIA
A Memoria presentarase a través do correo electrónico: educacion@coruna.gal, coa mención no asunto "III Concurso Intercambio Escolar Eixo Atlántico ".
Concellos da Coruña e Felgueiras (Portugal), coa colaboración do Eixo Atlántico .
As condicións do programa están recollidas nas bases reguladoras do Concurso III Intercambio Escolar do Eixo Atlántico .
Concello de Felgueiras:
Regulamento dos III Intercambios Escolares do Eixo Atlántico (486 KB)
Bases reguladoras do Concurso de selección do III Intercambio Escolar do Eixo Atlántico (353 KB)
Novas relacionadas
Eventos relacionados
Documentos relacionados
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible