Neste curso partirase de cero nas distintas ramas do márketing en liña, adaptando o temario do curso segundo os distintos niveis do alumnado.

O obxectivo último deste curso é dar unha visión global sobre o márketing en liña para que cada empresa do centro de coworking teña unha ferramenta máis á hora de decidir por que vía ou vías escolle a nivel de recursos e investimento para unha consecución de obxectivos de negocio.

O temario do curso estará composto por un tema para cada área xeral do márketing en liña (posicionamento web, publicidade en liña, correo electrónico, márketing, redes sociais, afiliación e analítica dixital), precedido dun módulo introdutorio e un módulo final de estratexia dixital, unha vez vistas todas as ferramentas.

Durante a totalidade do curso veranse exemplos reais de startups e empresas consolidadas, así como ferramentas profesionais do sector do márketing en liña.