Este programa consta de seminarios de curta duración en materias de interese no mundo do emprendemento, ten como finalidade mellorar e ampliar os coñecementos dos/as emprendedores/as nas distintas áreas de xestión empresarial e titorizar os devanditos proxectos.

Ao longo do ano póñense en marcha diferentes seminarios que tratan de distintos temas como a análise e diagnóstico inicial dunha idea de negocio, posta en marcha e seguimento dunha iniciativa empresarial e outros aspectos como márketing, fiscalidade, financiamento, axudas e subvencións, confección do plan de empresa, etc.

O programa está deseñado por módulos para facilitar a asistencia dos/as emprendedores/as aos seminarios, de forma que poidan asistir a aqueles que máis lles interesen, sen necesidade de realizar o ciclo completo de formación.

Publicaranse periodicamente os seminarios que se impartan dentro deste programa, así como calendario, horarios, inscricións ... para calquera aclaración dirixirse ao Centro Municipal de Emprego, no teléfono 981 184 399 ou a través da web municipal.