Bea ten un problema. O seu lobo leva chupete... Cada vez que llo intentan quitar, chora. Pero chora moito... A quen se lle conte, un lobo con chupete! Está desconsolado. Contos, cantos e cancións serán a solución.

Os contos do chupete é unha sesión de contos para bebés na que se integran música en directo, literatura infantil, expresión dramática e tradición oral. As cativas e cativos poderán chuchar contos, cancións e arrolos ata encher a barriguiña nesta proposta na que gozar en familia.

A actividade desenvolverase na aula 8 do Centro Ágora e haberá dous pases:

• "Os contos do chupete", de Migallas, ás 17.00 h
• "Os contos do chupete", de Migallas, ás 18.30 h

Haberá que se inscribir previamente no horario escollido en https://www.coruna.gal/lingua/gl/axenda/proximas-inscricions

Pídese puntualidade.

Organiza Normalización Lingüística do Concello da Coruña dentro do programa Apego.