Sesión de narración oral con música en directo na que coñecemos a unha Carapuchiña Vermella que vive unha aventura un pouco diferente. No seu camiño, a falta dun, van aparecendo cinco lobiños que son tan pequerrechiños que caben na súa cesta. Contaránnolo e cantaránnolo. Conto e música en directo con Ángeles Goás e Cristina Castro. 

A actividade desenvolverase na aula 8 do Centro Ágora e haberá só un pase:

"Carapuchiña Vermella", de Ángeles Goás, ás 18.00 h

Haberá que se inscribir previamente en https://www.coruna.gal/lingua/gl/axenda/proximas-inscricions

Pídese puntualidade.

Organiza Normalización Lingüística do Concello da Coruña dentro do programa Apego.