DATAS DE INSCRICIÓN PARA AS PROBAS:

• Proba substitutiva do requisito de titulación de educación secundaria obrigatoria e/ou na proba específica de grao medio: até o 26 de xuño de 2024.
• Proba substitutiva do requisito de titulación de bacharelato: até o 20 de maio de 2024.

LUGAR DE INSCRICIÓN: na secretaría dalgún dos centros públicos docentes vinculados a cada modalidade. Na modalidade de fútbol deberá presentarse na secretaría do centro elixido para realizar a proba específica.

Modalidade	Centros
BALONCESTO	CIFP Fontecarmoa (Vilagarcía de Arousa)
FÚTBOL SALA	CIFP A Farixa (Ourense)
ATLETISMO	IES Nosa Señora dos Ollos Grandes (Lugo)
FÚTBOL	CIFP Universidade Laboral (Culleredo)
	IES Sánchez Cantón (Pontevedra)
BALONMÁN	IES Sánchez Cantón (Pontevedra)
VELA	CIFP Fontecarmoa (Vilagarcía de Arousa)
ESPELEOLOXÍA	IES San Rosendo (Mondoñedo)

RELACIÓN PROVISIONAL DE PERSOAS INSCRITAS nos taboleiros dos centros e www.edu.xunta.gal:  

- na proba substitutiva de titulación de bacharelato: o 23 de maio,

- na proba substitutiva de titulación de ESO e nas probas específicas: o 28 de xuño.

ALEGACIÓNS a través das secretarías dos centros nos cales se presentou a solicitude:

- días 24 e 27 de maio para as persoas aspirantes ás probas substitutivas de titulación de bacharelato,

- días 2 e 3 de xullo para o resto de aspirantes.

RELACIÓN DEFINITIVA DE PERSOAS INSCRITAS nos taboleiros dos centros e www.edu.xunta.gal:

- na proba substitutiva de titulación de bacharelato será exposta o día 28 de maio,

- na proba substitutiva de titulación de ESO e nas probas específicas será exposta o 4 de xullo.

DATAS E LUGARES DE REALIZACIÓN DAS PROBAS:

- Probas substitutivas de titulación: realizaranse no IES San Clemente de Santiago de Compostela nas seguintes datas:

• GRAO MEDIO: 5 de xullo de 2024. Presentación: 9:15h.  
• GRAO SUPERIOR: 30 de maio de 2024. Presentación 9:30h.

- Probas específicas de acceso de grao medio:

Modalidade	Lugar da proba	Data de realización
BALONCESTO	CIFP Fontecarmoa (Vilagarcía de Arousa)	19 de xullo ás 10.00h.
FÚTBOL SALA	CIFP A Farixa (Ourense)	16 de xullo ás 10.00h.
ATLETISMO	IES Nosa Señora dos Ollos Grandes (Lugo)	17 de xullo ás 10.00h.
FÚTBOL	CIFP Universidade Laboral (Culleredo)	18 de xullo ás 10.00h.
	Pavillón multiusos A Xunqueira (Pontevedra)	19 de xullo ás 11.00h.
BALONMÁN	Pavillón multiusos A Xunqueira (Pontevedra)	19 de xullo ás 10.00h.
ESPELEOLOXÍA	IES San Rosendo (Mondoñedo)	15 de xullo ás 10.30h.*
VELA	Centro Galego de Vela (Vilagarcía de Arousa)	19 de xullo ás 11.30h.*

* a data do exame poderá variar no caso de non darse as condicións meteorolóxicas necesarias.

**As/os aspirantes á especialidade de Espeleoloxía, ademais da superación das probas de acceso específicas deberán superar unha entrevista coas empresas do sector. 

- Probas específicas de acceso de grao superior:

► Non se convocan probas de acceso de grao superior de carácter específico para ningunha modalidade deportiva.

Proba substitutiva do requisito de titulación da ESO

As persoas aspirantes realizarán un total de tres exames que deberán seleccionar obrigatoriamente na solicitude de inscrición. Constará dos seguintes exames:

1. Cuestións tipo test que se formulen referidas a contidos socioculturais (Xeografía e Historia).
2. Desenvolvemento por escrito, durante un tempo máximo 1 hora, das cuestións que se formulen sobre Lingua Galega. O primeiro exercicio será tipo test e o segundo consistirá na produción dun texto escrito.
3. Cuestións tipo test que se formulen referidas a contidos científico-tecnolóxicos (Matemáticas, Ciencias da Natureza e Tecnoloxía).
4. Desenvolvemento por escrito, durante un tempo máximo 1 hora, das cuestións que se formulen sobre Lingua Castelá. O primeiro exercicio será tipo test e o segundo consistirá na produción dun texto escrito.

Tomaranse como referencia os currículos oficiais da educación secundaria obrigatoria na Galicia.

Valoraranse os coñecementos, o grao de madurez e as habilidades suficientes para cursar con aproveitamento os novos estudos en relación con estas áreas propias do currículo da educación secundaria obrigatoria.

Proba substitutiva do requisito da titulación de bacharelato

As persoas aspirantes realizarán un total de tres exames que deberán seleccionar obrigatoriamente na solicitude de inscrición. Constará dos seguintes exames:

1. Filosofía. O primeiro exercicio será tipo test e o segundo consistirá na elaboración dunha redacción a partir dun texto proposto.
2. Historia de España. O primeiro exercicio será tipo test e o segundo consistirá na elaboración dunha redacción a partir dun texto proposto.
3. Lingua Galega e Literatura. O primeiro exercicio será tipo test e o segundo consistirá na produción dun texto escrito.
4. Lingua Estranxeira (inglés ou francés). O primeiro exercicio será tipo test e o segundo consistirá na produción dun texto escrito.
5. Lingua Castelá e Literatura. O primeiro exercicio será tipo test e o segundo consistirá na produción dun texto escrito.

Tomaranse como referencia os currículos oficiais da bacharelato na Galicia.

Valoraranse os coñecementos e o grao de madureza con relación aos obxectivos do bacharelato, así como a correcta comprensión de conceptos, a utilización da linguaxe e a capacidade de análise e síntese.