O Consello Superior de Tráfico é o órgano de consulta e participación que ten como obxectivo mellorar o tráfico, a seguridade viaria e a mobilidade sostble nas cidades, promovendo acordos entre as distintas administracións públicas e entidades que desenvolven actividades no ámbito.

No pleno coñeceuse o informe de actividades relevantes que se realizaron durante os anos 2020 e 2021 en materia de seguridade viaria, entre os que destaca:

A redución da velocidade a quilómetros Cidade30 por hora en rúas dun único carril de circulación nas cidades.

A reforma da Lei de Tráfico e Seguridade viaria que entra en vigor o próximo o 21 de marzo de 2022, no que "O obxecto da reforma céntrase principalmente na revisión das infraccións que detraen puntos; o recoñecemento que ten para a seguridade viaria a superación de cursos de condución segura e eficiente; o tratamento actualizado da condución profesional; e a unificación a dous anos do prazo que ten que transcorrer para recuperar o saldo inicial de puntos tras a firmeza das sancións.".

Coa nova Lei de Tráfico os principais cambios chegan na detracción de puntos. Conducir usando o móbil pasa de ser unha sanción de 3 a 6 puntos, as multas por lanzar obxectos á vía soben de 4 a 6 puntos, así como adiantar a ciclistas sen separación mínima, elévanse tamén os puntos para descontar por non utilizar ou utilizar de forma incorrecta o casco, cinto de seguridade ou sistemas de retención infantil, de 3 a 4. Castígase tamén con tres puntos o utilizar ou posuír mecanismos de detección de radares. Utilizar o móbil entre o casco e a cabeza do condutor agora sanciónase tamén con tres puntos. Un dos cambios máis importantes con esta nova Lei é o fin dos adiantamentos en estradas convencionais superando en 20 km/h o límite da vía. Xa non será posible adiantar por riba do devandito límite, unha das medidas máis polémicas tras a nova lexislación. A lei tamén recolle que, a partir do 6 de xullo de 2022, os vehículos de transporte de viaxeiros terán que incorporar un alcoholímetro antiarranque, baixo infracción moi grave de 500 euros en caso de non facelo. Coa entrada en vigor desta lei prohíbese tamén a circulación de vehículos de mobilidade persoal por beirarrúas e demais zonas peonís. Imponse ademais a obriga de usar o casco, baixo sanción de 200 euros.

A Lei de Tráfico e Seguridade viaria, unha nova reforma que mellorará a eficacia do sistema e a convivencia entre todos.