Fear of Missing Out é un proxecto impulsado por Carlos Morais que pretende dar a coñecer os problemas de saúde mental en primeira persoa partindo dun disco como proposta inicial. Durante a súa posta en marcha, a iniciativa tomou vida propia e acabou derivando en Disorders, un proxecto artístico multicisciplinar no que participaron múltiples persoas con problemas de saúde mental de todo o mundo.

A parte plástica do proxecto naceu coa vontade de ilustrar o libreto do disco, para o que Carlos Morais contactou con Saúde Mental FEAFES Galicia. Deste xeito, catro acodes usuarias desta entidade e das súas asociacións membro realizaron un total de 14 cadros: Xolo, da asociación A Mariña (Cervo); Mª Rey é Fragueiro, de Saúde Mental FEAFES Galicia (Vigo); e Michel e Ith, de DOA Saúde Mental (Cangas do Morrazo).

As obras ilustran as cancións do disco Disorders, cada unha das cales está inspirada nun problema de saúde mental contado desde a propia experiencia dos autores. Deste xeito, os cadros ilustran doenzas como a depresión, a esquizofrenia ou trastorno bipolar, entre outros. Están realizados en diversos soportes e utilizando técnicas variadas, desde óleo sobre lenzo ata bolígrafo sobre papel, incluíndo outras técnicas como acuarela, rotulador ou lapis.

A exposición xa estivo en Cervo e en Compostela, e os próximos meses está previsto o seu paso por Brión, Cangas do Morrazo e Vigo.