Dita actividade consiste na elaboración do mapa de Europa con fíos, sendo os contornos dos países ou fronteiras de cor verde, e o interior dos mesmos da cor correspondente ás bandeiras de cada un. 

Para completar o mural, engádese unha cita de Audre Lodre que di: "No son diferencias las que nos dividen. Es nuestra incapacidad para reconocer, aceptar y celebrar esas diferencias", que reforza a interpretación do mapa. O obxectivo a reflectir é a unión pero á vez fraxilidade entre os países que conforman Europa. 

O traballo feito pola especialización de dinamización, programación e desenvolvemento de accións culturais inclúe as bandeiras de cada país. Estas pódense mover e dar lugar así a un xogo interactivo para aprender aquelas non coñecidas e acertar as posicións das mesmas nos países aos que corresponden.