29 de enero de 2024
Unha representación do alumnado participante, de 6 a 12 anos, visitou o Salón de Sesións para coñecer a historia das catro mulleres referenciadas nas vidreiras
Rey trasladoulle os parabéns ao equipo directivo do centro polo proxecto e destacou a importancia de potenciar as mulleres referentes
A alcaldesa da Coruña, Inés Rey, recibiu esta mañá a unha representación do alumnado do CEIP María Pita participante no proxecto 'Tripulando en Igualdade' como parte da programación. A rexedora estivo acompañada pola concelleira da área de Benestar Social, Yoya Neira, e o concelleiro de educación, Juan I. Borrego.
A alcaldesa mostroulle as vidreiras localizadas no teito do Salón de Plenos, que conta cos nomes de catro mulleres referentes: Rosalía de Castro, Emilia Pardo Bazán, Concepción Arenal e María Pita. Rey explicoulle brevemente a historia de cada unha delas para reflexionar sobre o papel das mulleres na historia contemporánea. "Todas elas exercían un papel que non se correspondía co da súa época e grazas a iso hoxe son mulleres pioneiras e referentes para todas nós, abríndonos camiño" explicou a rexedora.
A iniciativa 'Tripulando a Igualdade' é un proxecto coeducativo dirixido ao alumnado de Educación Infantil e Primaria, de 6 a 12 anos, co obxectivo de fomentar a igualdade entre homes e mulleres. Iniciouse no 2017 no CEIP María Pita e foi premiado pola Deputación da Coruña co premio Concepción Arenal e a nivel nacional co 'Premio Irene: la paz empieza en casa', outorgado polo Ministerio de Educación, Deportes e Formación Profesional. Rey trasladoulle os parabéns ao equipo directivo do centro polo proxecto e destacou a importancia de potenciar as mulleres referentes. "Fai falla que coñezamos os seus nomes e as súas historias para que hoxe eu poida estar aquí pero tamén para que vós sexades líderes o día de mañá" concluíu.
12 de abril de 2024
25 de marzo de 2024
12 de marzo de 2024
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible