25 de enero de 2019
Dende as 07.00 horas do día 22 até as 07.00 horas do 28 de xaneiro do 2019
DETIDO POR VIOLENCIA MACHISTA
-Ás 11.14 horas do 23 de xaneiro, unha dotación foi comisionada pola Sala Operativa do 092 para que se trasladase á contorna da igrexa de San Pedro de Mezonzo onde, supostamente, estábase a producir unha agresión dun home a unha muller. Xa no lugar, a patrulla detectou a unha muller que estaba a ser asistida por varias mozas polo seu estado de nerviosismo. A moza, de 35 anos, relatou que cando ía co seu marido a unha cita do INNS da contorna, este comezara a insultarlle ata que, nun momento dado, alzou a man con intención de golpeala, sen chegar a conseguilo grazas á intervención dunhas mozas. O home abandonou o lugar ao ser increpado polas novas que lle dixeron que ían chamar á policía. A moza recoñeceu que ese comportamento na súa casa era habitual, sendo continuos os insultos e as ameazas de morte, chegando mesmo a darlle unha puñada na boca cando a súa filla era un bebe de meses, aínda que nunca chegou a denuncialo por medo. A patrulla identificou ás testemuñas, que explicaron como viran que o home estaba a gritarlle dun xeito moi agresivo á muller que o acompañaba, polo que se achegaron para comprobar se ela estaba ben. Nese intre, o home lle levantou o paraugas que levaba na man coa intención de golpeala e unha das mozas impediu cos seus brazos que impactase na muller. O home tentou tamén golpear a esta moza pero decidiu abandonar o lugar cando comezaron a chegar máis estudantes, debido á proximidade dun colexio. As mozas manifestaron que a muller lles dixera que se denunciaba ao seu marido, este a mataría. A dotación localizou ao home, de 53 anos, na contorna e trasladouno aos calabozos policiais, onde se lle tramitou denuncia de oficio por un delito de violencia de xénero.
DETIDA POR AMEAZAS REITERADAS
-Ás 22.30 horas do 24 de xaneiro, unha patrulla da Policía Local foi comisionada pola Sala Operativa do 092 para que acudise a unha vivenda da zona de Riazor, onde ao parecer, a exparella da persoa requirente estaba a tentar saltar o muro dun domicilio. Unha vez no lugar, a dotación detectou a unha muller subida a un taburete con intención de acceder ao interior do recinto da vivenda, que manifestou que no momento en que se marchasen do lugar, iría a polo taburete para volver intentalo. Nos días anteriores, esta patrulla fora requirida porque a muller estaba a dar voltas ao redor da vivenda na que viven o seu exmarido e os seus fillos, menores de idade. Un cuarto de hora máis tarde, o exmarido volveu requirir á policía porque a muller estivera a golpear a porta de acceso e un dos fillos denunciou que acababa de recibir unha chamada telefónica da súa nai que ameazaba á avoa de morte. O pai e exmarido manifestou que levaba toda a semana recibindo chamadas de teléfono nas que lle ameazaba tanto a el como á familia. A muller, de 47 anos, foi detida e trasladada aos calabozos policiais, onde se lle tramitou denuncia por un delito continuado de ameazas. CONTROIS PREVENTIVOS DISUASORIOS DE SEGURIDADE VIARIA
- Ás 18.11 horas do 22 de xaneiro, produciuse un accidente da clase `contra obstáculo fixo´ na rúa Eduardo Dato, cando un Seat León chocou contra un Ford Ka que estaba estacionado. O condutor, un home de 57 anos, arroxou uns resultados positivos (0,52 e 0,51 mg/l) nas probas de alcoholemia, polo que se lle tramitaron dilixencias ao xulgado como autor dun posible delito contra a seguridade viaria. Do vehículo que conducía fíxose cargo un condutor alternativo.
- Ás 01.15 horas do 23 de xaneiro, tivo lugar un accidente da clase `contra obstáculo fixo´ na rúa Ramón Cabanillas, no que estiveron implicados tres vehículos: un turismo Hyundai en movemento e un Volkswagen Passat e un Seat Ibiza estacionados. O condutor do Hyundai, un home de 52 anos, arroxou uns resultados positivos (0,96 e 0,95 mg/l) nas probas de alcoholemia, polo que se lle tramitaron dilixencias ao xulgado como autor dun posible delito contra a seguridade viaria. Do vehículo que conducía fíxose cargo unha coñecida do condutor.
11 de abril de 2024
19 de febrero de 2024
16 de febrero de 2024
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible