Este ano o premio recaeu en Xerardo Quintiá Pérez pola súa obra "O país do gran furado".

O Xurado manifestou, entre outros aspectos, o seguinte: O País do Gran Furado é unha obra que resalta polo seu humor irreverente, pola súa transgresión dos contos populares e por reivindicar a poesía, a alegría e a revolución como camiños para procurar a igualdade.

O Premio Fina Casalderrey de Literatura pola Igualdade trátase do primeiro destas características que se convoca en Galicia, xurdido a raíz das carencias percibidas dalgunhas temáticas nos contos infantís, temáticas  que poden axudar á construción dun imaxinario en igualdade entre mulleres e homes xa desde a infancia, necesario para un mundo máis xusto.

Ao acto acudirán a madriña do Premio, Fina Casalderrey, o autor, Xerardo Quintiá Pérez, a ilustradora Noemí López Vázquez e unha representación do xurado.