Na Varsovia dos nosos días, Blanca oe a lenda do cartógrafo do gueto.

Segundo esa lenda, un vello cartógrafo empeñouse, mentres todo morría ao seu arredor, en debuxar o mapa daquel mundo en perigo; pero como as súas pernas xa non o sostiñan, como el non podía buscar os datos que necesitaba, era unha nena a que saía a buscalos para el.

Blanca tomará por verdade a lenda e lanzarase á súa vez, obsesivamente, á procura do vello mapa e, sen sabelo, á procura de si mesma.

"El cartógrafo" é unha obra - un mapa - sobre esa procura e sobre aquela lenda.

O teatro é cartografía. Coma no mapa, no escenario todo debe responder a unha pregunta que alguén se fixo. Coma no mapa, no escenario o máis importante é decidir que se quere facer visible e, polo tanto, que se deixa fóra. No escenario, coma no mapa, sempre se toma partido.

"El cartógrafo" reclama unha posta en escena que sexa, con especial intensidade, cartográfica. Dado que no seu centro áchase un acontecemento irrepresentable, a obra esixe preguntarse unha e outra vez que ofrecerlle ao ollo e que ocultarlle para que a imaxinación vexa.

Os grandes actores danlle ao ollo e á imaxinación moito con moi pouco. Blanca Portillo e José Luis García-Pérez son, no escenario, enormes cartógrafos. Alejandro Andújar, Mariano García, Juan Gómez-Cornejo, Carlos Martínez-Abarca e quen isto asina axudámoslles a trazar o mapa.

Juan Mayorga

Con Blanca Portillo, José Luis García-Pérez

Dirección: Juan Mayorga

Coprodución de: Avance Producciones Teatrales, Entrecajas Producciones Teatrales e García Pérez Producciones

Venda de entradas:

Despacho Central: praza de Ourense: de luns a venres de 9.30 a 13 e de 16.30 a 19.30 h

Despacho do Teatro Rosalía: só días de función de 16 a 20 h

Venda telefónica: 902 044 226