En Unhas poucas picadelas, a autora profunda no terreo da violencia de xénero e, de maneira máis concreta, na violencia que exercen os homes sobre as mulleres: violencia machista. A orixinalidade da súa proposta radica en que non hai unha historia concreta ou, mellor dito, a aparente falta de historia, de narración, parece convidarnos a dar cabida a miles de historias reais e anónimas, todas as historias de violencia machista que acaban en asasinato e todas as que, sen morte física, acaban aniquilando vidas. É unha obra de imaxes contemporáneas de ánimas en pena, algunhas iluminadas polos medios de comunicación, pero a maioría, escondidas pola escuridade do anonimato.

O detonante da peza é un recorte dun xornal que narra a noticia do que foi un asasinato dunha muller por parte da súa parella, ou como se lle queira chamar a este tipo de homes. Isto deu lugar a un cadro homónimo de Frida Khalo de 1935, no que se ve unha muller tendida sobre unha cama co corpo perforado polo coitelo dun home que mira para ela. Destila o título a idea de que "non foi para tanto", vaia, que non foron máis que unhas poucas coiteladas...

Curioso, pero real. Parece que a culpa de morrer é de quen morre...

A partir dese elemento que pode parecer anecdótico, pero que non o é, a autora propón unha reflexión directa e intelixente sobre a cuestión, metendo o dedo na chaga de moitos dos tópicos que, por desgraza, seguen a amparar, ou, moitas veces a ignorar, este tipo de comportamentos violentos.

Con: Sonia Rua, Lois Soaxe

Voz: Pepa Barreiro

Dirección: Etelvino Vázquez

Compañía: Teatro de Ningures

Venda de entradas

Despacho Central, praza de Ourense: de luns a venres de 9.30 a 13 e de 16.30 a 19.30 h

Despacho do Teatro Rosalía: só días de función de 16 a 20 h

Televenda: 902 044 226 e Internet