Pablo L.T. Noval (A Coruña, 1984) é docente de español na Universidade de Bamberg, cidade á que se mudou no ano 2010. Na mesma universidade, Noval estudou alemán e actualmente cursa Filoloxía Románica e Inglesa con énfase na literatura. Así mesmo, é profesor de español na empresa Brose desde 2012 e imparte outros cursos alá onde lle deixan, como na Universidade de Bayreuth, onde foi lector de español entre 2014 e 2016.

O escritor coruñés é un amante do fútbol e da música, das linguas e da súa poesía. Noval é autor de numerosos contos, relatos e poemas e co-escritor de tres obras de teatro para o grupo español da Universidade de Bamberg. "La ciudad de los olvidados", inspirada no mundo fantástico do escritor alemán Hoffmann, é a súa primeira novela.