Un corpo pode dicir a súa verdade cando asume unha linguaxe propia, o súa. Un corpo vólvese mapa de posibilidades a partir da súa diferenza, cando respira e move a súa desigualdade con respecto ao resto de corpos. É nesa relación de desigualdade onde se acha autenticamente libre. Go figure é, ante todo, unha paisaxe de desigualdade onde Shmuel pode observar o funcionamento do seu corpo, recoñecelo, poñer en valor aquilo que condiciona e define o seu movemento, transformalo nunha ponte cara á conexión co outro. A esta chamada acode Tomer, quen recolle a invitación de diálogo de Shmuel e cruza a ponte. Durante a súa procura dun balance que xurda dos límites que impoñen ou revelan as capacidades de ambos, nace unha beleza que non quere ser máis nada que ela mesma. Beleza que resulta da vontade de apoiarse sen desdebuxar, do desexo compartido de ser territorio da verdade.

Intérpretes: Shmuel Dvir Cohen e Tomer Navot

Dirección e coreografía: Sharon Fridman

Asistente de dirección: Tamar Mayzlish

Música orixinal: Noem Helfer

Deseño de luces: Yaron Abulafia

Venda de entradas 

Despacho de billetes da praza de Ourense: de luns a venres das 11.00 ás 15.00 h e das 16.30 ás 19.30 h

Despacho de billetes do Teatro Rosalía: só abre os días de función das 16.00 ás 20.00 h

Venda en liña

* Programación para persoas adultas. Idade recomendada a partir de 14 anos

* Unha vez que comece o espectáculo non se permitirá acceder á sala.