De cara á celebración, o vindeiro 18 de febreiro, das eleccións ao parlamento de Galicia, a Asociación de veciños de Oza, A Gaiteira e Os Castros planificou a celebración dun debate político cos temas de maior transcendencia de cara ó futuro do barrio.

Data: 31 de xaneiro

Hora: de 19:00 h. a 20:45 h.

Lugar: Biblioteca Municipal Fórum Metropolitano

Os temas de debate serán os asuntos pendentes da nosa cidade que teñen que ver co noso barrio directamente:

•    A postura do futuro goberno autonómico sobre da franxa litoral: De San Diego ás Xubias.

•    Equipamentos (Centro de Dia e Escola Infantil).

•    Transporte metropolitano (futuro da estación de San Diego como estación de trens de proximidade, Intermodal e Intercambiador).

•    Medio Ambiente e calidade do aire.

•    Accesibilidade á vivenda (compra e alugueiro).

A conversa estará moderada polo membro da AA.VV.  e ao debate asistirán os grupos políticos con representación no parlamento galego.

Acceso libre até completar a capacidade.