19.30 h. Diálogo
Homenaxe a José Saramago. Pilar del Río, viúva do autor e tradutora das súas últimas obras, repasará xunto a Carmen Becerra a traxectoria de José Saramago, autor e persoa. O Festival CoruñaMayúscula quere, na súa segunda edición, render homenaxe a José Saramago, un autor que cultivou a prosa, a poesía, o ensaio e cuxa obra foi traducida a multitude de idiomas e transformada en innumerables formatos.

20.30 h. Teatro
"¡Al carajo la poesía!" Unha obra de teatro da compañía Raízde4teatro que mostra o fascinante mundo das palabras, do ritmo e da estrofa, para atoparlles outros sentidos, outras formas de dicir, outros modos de escoitar. Dous actores interpretan, reinventan, recrean, achegan a poesía á vida ou a vida á poesía, buscando recuperar o pracer da palabra escrita, lida ou escoitada. Atrapan a palabra e lévana ao seu terreo: ao teatro.

A compañía Raízde4teatro foi fundada no 2009 por Carmen Castrillo, Luis Oliver e a directora Marieta Monedero, despois de coincidir en diversos espectáculos e compañías. E naceu para poñer en marcha unha proposta de traballo da directora arredor da palabra, que se concretou no 2010 no espectáculo “¡Al carajo la poesía!”.