O taller está estruturado en catro partes:

1ª PARTE

• Que é a accesibilidade no cine?
• Exposición e historia do proxecto Cine accesible.
• Introdución ao subtitulado para persoas xordas e á audiodescrición para persoas cegas.
• A norma de subtitulado UNE 153.010
• A norma de audiodescrición UNE 153.020

2ª PARTE

• A audiodescrición: Visionado e análise da obra, creación do guión, revisión do guión, locución e montaxe, revisión final.
• Técnicas de audiodescrición: Que se audiodescribe? Como se audiodescribe? Canto se audiodescribe? Os xéneros, a velocidade, os silencios, as elipses… Descrición de personaxes. A música e os efectos sonoros. Créditos iniciais e finais.

3ª PARTE

• Prácticas cos alumnos.
• Visionados de secuencias de aproximadamente de 3 a 5 minutos.
• Audiodescrición dunha secuencia por parte do alumnado.

4ª PARTE

Correccións das prácticas, explicacións e conclusións.

Iñaki Arrubla é socio fundador da produtora “Navarra de Cine S.L.”, dedicada á produción cinematográfica e audiovisual. Ademais, é xefe de prensa do Festival de Cine de Pamplona (Iruñeko Zinemaldia) e responsable de adaptación de películas no proxecto Cine accesible®: produción de accesibilidade (audiodescrición e subtítulos de cores) para películas de estrea para cine e DVD. Tamén traballou como crítico de cinema en numerosos medios de comunicación.