23 de abril de 2024
A rapazada realizou diversas actividades guiadas para coñecer a cidade, como a Torre de Hércules, o Aquarium ou a Cidade Vella
O grupo de escolares do municipio portugués de Felgueiras que participa no III Intercambio escolar do Eixo Atlántico xa está na Coruña.
A rapazada realizou diversas actividades guiadas para coñecer a cidade, como a Torre de Hércules, o Aquarium ou a Cidade Vella. A visita rematará este mércores 24 de abril.
Este encontro está enmarcado dentro do intercambio escolar promovido polo Eixo Atlántico e financiado polo Concello da Coruña, que busca promover o coñecemento dos concellos integrantes deste organismo, así como o seu patrimonio cultural, natural e inmaterial.
Durante o mes de maio, o estudantado do CEIP Wenceslao Fernández Floréz desprazarase a Portugal para completar o intercambio.
Programa ao que pertence
Con este programa búscase facilitar o intercambio entre escolares dos diferentes municipios de Galicia e Norte de Portugal integrantes do Eixo Atlántico, para compartir experiencias entre escolares; especificamente, dar a coñecer a cidade da Coruña ao alumnado dun centro educativo do municipio portugués de Felgueiras .
Os intercambios terán lugar durante 2 ou 3 días nos meses de abril ou maio de 2024.
Máis informaciónSentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible