11 de setembro de 2012
A Joven Ensemble e a Jazzy Band da Escola Municipal de Música da Coruña participan na primeira edición do festival Jazzatlantica.
Ana Fernández, tenente de alcalde do departamento de Cultura do Concello da Coruña, presentou o festival de jazz Jazzatlantica que se realizará na cidade entre os días 31 de outubro e 11 de decembro. Este festival súmase ás propostas do Goberno que teñen como obxectivo converter a Coruña nun referente cultural e de música en directo cunha programación moi variada.
O Goberno municipal e a Orquestra Sinfónica de Galicia quere achegar a música jazz á cidadanía e para iso Jazzatlantica presentará en directo, con concertos de primeiro nivel internacional, a referentes e figuras mundiais desta disciplina musical.
A primeira edición de Jazzatlantica consta de oito concertos, repartidas entre o Centro Ágora e o Teatro Rosalía Castro. O encargado de abrir o festival será Ambrose Akinmusire, o próximo 31 de outubro e cerrarao a OSG Jazz Band o 11 de decembro.
O programa de Jazzatlantica é o seguinte:
- 31 de outubro: Ambrose Akinmusire. Centro Ágora. 21.00 horas.
- 7 de novembro: Wayne Shorter Quartet. Teatro Rosalía Castro. 21.00 horas.
- 12 de novembro: Kurt Elling. Centro Ágora. 21.00 horas.
- 20 de novembro: Paquito D'Rivera. Centro Ágora. 21.00 horas.
- 26 de novembro: Christian Scott. Centro Ágora. 21.00 horas.
- 28 de novembro: Abe Rábade Trío. Centro Ágora. 21.00 horas.
- 1 de decembro: China Moses. Centro Ágora. 21.00 horas.
- 11 de decembro: OSG Jazz Band. Teatro Rosalía Castro. 20.00 horas.
O Consorcio para a Promoción da Música organizou outros oito concertos para mostrar o traballo e a calidade dos músicos locais.
- Concertos na Escola Municipal de Música:
· Joven Ensemble, o 9 de novembro, ás 20.30 horas (gratuíto).
· Jazzy Band, o 23 de novembro, ás 20.30 horas (gratuíto).
- Concertos no Conservatorio Superior de Música:
· Jam Sessions no Conservatorio, os días 8, 15 e 29 de novembro (gratuíto)
· Big Band do Conservatorio, o 4 de decembro, ás 21.00 horas (gratuíto).
· Concertos nos pubs Garufa e Filloa: Combos do Conservatorio, o 22 de novembro, ás 23.00 horas, no pub Garufa e concerto + Jam Session, o 5 de decembro, ás 22.00 horas, no pub Filloa.
VENDA DE ENTRADAS
Os abonos para Jazzatlantica poñeranse á venda dende o 9 de outubro, e ata o xoves día 11 de outubro nas oficinas do Festival Mozart do Palacio da Ópera -en horario de 11.00 a 14.00 e de 17.00 a 20.00 horas-; e no servizo de venda de entradas de Novagalicia Banco -no teléfono 902 43 44 43, en horario de 08.00 a 22.00 horas-.
Finalizado o prazo para a compra de abonos abrirase o período para a venda de localidades a partir do próximo venres, 12 de outubro. As entradas poderanse adquirir en:
- www.novagaliciabanco.es.
- O servizo de venda de entradas de Novagalicia Banco: no número de teléfono 902 43 44 43, ata 24 horas antes de cada espectáculo, en horario de 08.00 a 22.00 horas de luns a domingo.
- O despacho de entradas da praza de Ourense: en horario de 09.30 a 13.00 horas e de 16.30 a 19.30 horas, de luns a venres, excepto festivos.
- O mesmo día da actuación no recinto onde se programe o concerto (de 20.00 a 21.00 horas no caso do Ágora; e de 12.00 a 14.00 horas e de 18.00 horas ata o comezo do espectáculo no Teatro Rosalía).
Prezo de localidades soltas:
· 15 euros no patio de butacas e no anfiteatro do Ágora.
· 15 euros patio de butacas, as plateas ou os palcos do Teatro Rosalía.
· 10 euros no anfiteatro, palcos de anfiteatro, tertulia e galería do Rosalía.
· Abonos: 94,5 euros (Non se venden abonos para o anfiteatro, palcos de anfiteatro, tertulia e galería do Teatro Rosalía).
O concerto da OSG Jazz Band, que cerra o festival o 11 de decembro no Rosalía, non se inclúe nos abonos, polo que a venda directa de entradas será dende as 19.00 horas o mesmo día do concerto no despacho de entradas do teatro.
Os abonos estarán á venda dende o martes 9 de outubro e ata o xoves 11 de outubro, e as localidades soltas poderanse adquirir a partir do próximo venres.
Dende o 29/04/2024 ata o 10/05/2024
08/05/2024
TELÉFONO: 981 226 752
CORREOS ELECTRÓNICOS:
DIRECCIÓN: direccionem@coruna.gal
XEFA DE ESTUDOS: jefaturaem@coruna.gal
ADMINISTRACIÓN: administracionem@coruna.gal
Apertura da escola: das 08.00 ás 21.30 horas
Lectivo: das 15.30 ás 20.30 horas ( xoves das 16.30 ás 21.30 horas)
Administración: das 09.00 ás 21.00 horas
Mapa da Escola:
· Aulas: AQUÍ.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible