Bacharelato. Modalidade Artes. Vía Artes Escénicas

Nivel de estudos

Bacherelato. Artes plásticas, música e danza

Información xeral

Coa implantación da LOE, o bacharelato comprende 2 cursos académicos que poderán ser cursados polo réxime ordinario ou polo réxime de ensinanzas de persoas adultas en calquera das súas modalidades: presencial, semipresencial ou a distancia.

O bacharelato estrutúrase en:

• Modalidade de Artes (organizada en dúas vías: Artes plásticas, deseño e imaxe e Artes escénicas, música e danza)
• Modalidade de Ciencias e tecnoloxía
• Modalidade de Humanidades e ciencias sociais

Cada unha das delas ten:

• Materias comúns, teñen como finalidade afondar na formación xeral. As materias de aprendizaxes progresivas requiren a superación das de 1º curso para seren avaliadas as de 2º curso.
• Materias de modalidade, proporcionan unha formación de carácter específico. O alumnado deberá cursar 3 materias propias de modalidade en cada un dos cursos do bacharelato. Existen materias obrigatorias  en cada modalidade.
• Materias optativas, que completan a formación. O alumnado cursará 1 materia optativa tanto en 1º como no 2º curso do bacharelato.

PROMOCIÓN:

• Conseguirán a promoción ao segundo curso cando superen todas as materias cursadas ou teñan avaliación negativa en dúas materias como máximo.
• O alumnado que conseguise a promoción ao segundo curso con materias avaliadas negativamente deberá cursalas ao longo do curso. A avaliación destas materias terá que ser anterior á das materias de segundo curso.

PERMANENCIA: O alumnado poderá permanecer cursando bacharelato, no réxime ordinario, con carácter xeral, un máximo de catro anos, consecutivos ou non.

CAMBIO DE MODALIDADE: Unha vez cursado o primeiro curso de bacharelato e antes do comezo das actividades lectivas do segundo, poderá solicitarlle á dirección do centro o cambio de modalidade. O alumnado, unha vez autorizado para o cambio de modalidade, terá que matricularse de polo menos dúas materias da nova modalidade do 1º curso e de todas as de 2º curso, tendo en conta que das seis materias que o alumnado terá que cursar no bacharelato, polo menos cinco, serán das que corresponden á modalidade elixida. Computarase como optativa de segundo curso unha das materias de modalidade cursada e superada en 1º.

Requisitos

Título de Graduado en Educación Secundaria Obrigatoria (E.S.O.)

Plano de estudos

PRIMEIRO CURSO
Tipo de Materia	Materias
COMÚNS	Ciencias para o mundo contemporáneo
	Educación física
	Filosofía e cidadanía
	Lingua galega e literatura I
	Lingua castelá e literatura I
	Lingua estranxeira I
	Relixión
DE MODALIDADE (3 materias)	Análise musical I
	Anatomía aplicada
	Cultura audiovisual (obrig.)
	Linguaxe e práctica musical
OPTATIVAS (para escoller 1)	Antropoloxía
	Literaturas hispánicas
	Música (*)
	Segunda lingua estranxeira (*)
	Tecnoloxías da información e da comunicación (*)
SEGUNDO CURSO
Tipo de Materia	Materias
COMÚNS	Historia de España
	Historia da filosofía
	Lingua galega e literatura II
	Lingua castelá e literatura II
	Lingua estranxeira II
	Relixión
DE MODALIDADE (3 materias)	Artes escénicas
	Historia da música e da danza (obrigatoria)
	Literatura universal
	Análise musical II
OPTATIVAS (para escoller 1)	Ética e filosofía do dereito
	Filosofía da ciencia e tecnoloxía
	Literatura Galega do século XX e da actualidade
	Métodos estatísticos e numéricos
	Segunda lingua estranxeira (*)
	Xeografía e historia de Galicia
	Xeoloxía

(*) Materias optativas de oferta obrigatoria en todos os centros

Máis información

• Portal educativo: www.edu.xunta.es
• Nos centros onde se imparte (ver entidades relacionadas)

Entidades relacionadas

• Conservatorio Profesional de Música