- Inicio
Información Xuvenil
Os espazos municipais de información xuvenil do concello da Coruña, enmárcanse no servizo de Mocidade, dentro da área de Igualdade, Benestar Social e Participación. Caracterízanse por unha serie de trazos que os fai singulares e defíneos como instrumentos para facilitar a autonomía persoal da mocidade e para ofrecerlles unha atención integral e de calidade. Fronte a un modelo centralizado, o Concello da Coruña aposta pola descentralización dos servizos de información xuvenil e polo achegamento á mocidade, convertendo a dimensión territorial nun eixe estratéxico que permita a creación dunha nova relación co sector xuvenil na súa dimensión máis ampla.
Coñece a Rede de Información Xuvenil
A rede de espazos de información xuvenil da cidade caracterízase por ser centros xeneralistas nos que a xente nova pode atopar toda a información que necesitan: educación, lecer e tempo libre, mobilidade, asociacionismo, vivenda, emprego... Tamén contemplan asesorías especializadas, de centros de interese que, no transcurso dos anos, resultaron de máximo interese para as/os mozas/os da cidade.
Realizan, ademais, un traballo transversal que se desenvolve non só con outras áreas do Concello, senón tamén coas entidades xuvenís, asociacións e colectivos da cidade sendo un espazo que ofrece, ademais de información, recursos especializados atendidos por persoal cualificado e unha atención que oriente e acompañe á mocidade na toma de decisións.
Non perdas
Actualidade
-
Actividades de maio nas Naves do Metrosidero
Cando:
Dende o 04/05/2024 ata o 25/05/2024
Con diferentes prazos de inscrición para cada actividade
Presentamos as actividades de maio para o Espazo Xuvenil Naves do Metrosidero, se tes entre 12 e 30 anos non dudes en anotarte.
-
Campos de voluntariado noutras Comunidades Autónomas
Inscricións:
Dende o 02/05/2024 ata o 24/05/2024
ás 14:00 h. Prazas libres: do 4 de xuño ata 5 días antes do inicio do campo.
A Xunta de Galicia oferta prazas en campos de voluntariado na Rioxa, Aragón, Baleares, Cantabria, Castela e León, Castela-A Mancha, Cataluña, Comunidade Valenciana, Ceuta, Estremadura, Euskadi, Madrid, Melilla e Navarra.
-
VII Festival RESIS
Cando:
Dende o 03/05/2024 ata o 09/06/2024
A 7ª edición do Festival de Música Contemporánea Resis, organizado pola Asociaición Aïs coa colaboración do Concello da Coruña, converte un ano máis A Coruña en referente internacional da música contemporánea con concertos e outras actividades en diversos espazos singulares da cidade.
-
Acceso e admisión ás Ensinanzas Superiores de Deseño, curso 2024-2025
Inscricións:
1º prazo de inscrición (alumnado que solicita proba substitutiva de requisito de titulación): até o 21 de maio.
2º prazo de inscrición (alumnado que conta coa titulación requirida): até o 25 de xuño.
A Consellería de Educación, Ciencia, Universidades e Formación Profesional convoca as probas de acceso ás ensinanzas artísticas superiores de Deseño para o curso 2024/25.
-
Acceso e Admisión ás Ensinanzas Superiores de Arte Dramática, curso 2024-2025
Inscricións:
1º prazo de inscrición (alumnado que solicita proba substitutiva de requisito de titulación): até o 21 de maio.
2º prazo de inscrición (alumnado que conta coa titulación requirida): até o 25 de xuño.
A Consellería de Educación, Ciencia, Universidades e Formación Profesional convoca as probas de acceso ás ensinanzas superiores de Arte Dramática para o curso 2024-2025.
-
Acceso e admisión ás ensinanzas de Conservación e Restauración de Bens Culturais, curso 2024-2025
Inscricións:
1º prazo de inscrición (alumnado que solicita proba substitutiva de requisito de titulación): até 21 de maio.
2º prazo de inscrición (alumnado que conta coa titulación requirida): até 25 de xuño.
A Consellería de Educación, Ciencia, Universidades e Formación Profesional convoca as probas de acceso ás ensinanzas de Conservación e Restauración de Bens Culturais para o curso 2024-2025.
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible