Nas patoloxías do aparello locomotor a ausencia de tratamentos eficientes motiva as persoas investigadoras para deseñar, mediante enxeñería de tecidos, un tecido biolóxico susceptible de ser implantado para substituír a zona afectada. Así, a enxeñería de tecidos é unha disciplina da medicina rexenerativa, cuxa estratexia se basea en construír tecidos tridimensionais, mediante o uso combinado de 3 factores clave: a terapia celular, os factores de crecemento e os soportes ou biomateriais.

Hoxe en día, aínda non está moi estendido o uso da enxeñería tisular nos procedementos cirúrxicos, aínda que existen moitas combinacións de células e soportes diferentes que están a ser testadas en modelos de rexeneración tisular tanto in vitro como in vivo.

Dra. Silvia María Díaz Prado:

• Profesora da Área de Anatomía e Embrioloxía Humana no Departamento de Fisioterapia, Medicina e Ciencias Biomédicas da Facultade de Ciencias da Saúde da Universidade da Coruña (UDC)

• Coordinadora do Mestrado en Asistencia e Investigación Sanitaria da Facultade de Ciencias da Saúde da Universidade da Coruña

• Coordinadora do grupo de Terapia Celular e Medicina Rexenerativa da Agrupación estratéxica CICA-INIBIC