Falará de como se pode axudar á conservación das aves mariñas incidindo sobre as actividades humanas que afectan directamente á súa mortalidade, xa sexa establecendo zonas de exclusión arredor das colonias de cría ou nas zonas de alimentación, ou limitando temporalmente o uso de artes de pesca e outras actividades. Tamén expoñerá como o establecemento de zonas de reserva pode afectar positivamente a outras especies ademais de ás aves mariñas.

David Álvarez é licenciado en Bioloxía pola Universidade de Oviedo na especialidade de Zooloxía e doutor pola mesma universidade. Durante a súa etapa como investigador tamén traballou no campo da bioloxía da conservación de especies ameazadas, sobre todo con peixes, anfibios e aves mariñas, analizando o impacto das pesqueiras comerciais, as verteduras contaminantes e as especies invasoras sobre a súa poboación.

Sábado 28 de abril ás 12.00 horas.

Entrada libre ata completar a capacidade.