Uso de cookies en las páginas web del Ayuntamiento de A Coruña

En las páginas web municipales utilizamos cookies propias y de terceros para mejorar nuestros servicios mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o conocer como cambiar la configuración, en nuestra página de "Normas de uso".

Seguridad ciudadana

  • Compartir
  • Añadir a mi móvil | 
  • Imprimir

Cuándo:

20 de febrero de 2019

A Concellería de Medio Ambiente incrementa nun 35% o número de denuncias relacionadas con abandono de animais domésticos e con cans potencialmente perigosos

A edil María García pon en valor o traballo de vixilancia de benestar animal realizado polo Goberno local pese á redución de competencias municipais en favor das autonómicas. “Os servizos municipais asumen a mesma carga de traballo de inicio de expedientes que se remiten á Xunta de Galicia e das que non sabemos se rematan ou non en sanción”, explica

A actividade de control do benestar animal realizada pola Concellería de Medio Ambiente supuxo un incremento do 35% no número de infraccións tramitadas por abandono de animais domésticos en situacións nas que poida perigar a súa vida ou por deixar soltos ou en condicións que poidan causar danos a animais potencialmente perigosos. Este tipo de infraccións pasaron de 48 no 2017 a rexistrar 65 casos no pasado ano. A concelleira de Medio Ambiente, María García, explica que, dende a entrada en vigor da lei autonómica de benestar animal, o Goberno local é competente só para sancionar infraccións leves relacionadas coa normativa estatal de seguridade cidadá e algunhas que recolle a lei galega como deposicións de animais na vía pública ou a súa exhibición en escaparates. "Porén, os servizos municipais si inician moitos outros expedientes, de casos máis graves, que son derivados a continuación á Xunta de Galicia, co cal perdemos o rastro das denuncias e o seu seguimento, polo que non sabemos se rematan ou non en sancións", indica a edil.  

A concelleira fai fincapé na posta en marcha no municipio de políticas de benestar animal que avancen cara o sacrifico cero, como as melloras no centro acollemento de animais, as campañas en favor da adopción ou a creación de colonias felinas "das que o Concello é responsable pese a non recibir fondos da Xunta", así como un incremento da vixilancia e un traballo de formación da Patrulla Verde, en colaboración coa Policía Local, "o que traduce nun incremento dos casos detectados". "Ese esforzo que estamos a facer convértese en frustración cando remitimos os expedientes á Xunta de Galicia, xa que non temos ningún tipo de resposta e non podemos contar con información nin para o bo funcionamento do servizo nin para transmitir á cidadanía que se interesa polos casos", apunta. Coa entrada en vigor da Lei 4/2017, o Concello perdeu a competencia sancionadora en cuestións como a falta do microchip ou o mantemento dos animais en deficientes condicións hixiénico-sanitarias, entre outras, que "implican un gran número de denuncias policiais e unha intensa labor administrativa pese a que non as podemos denunciar".

Pese a ese recorte nas competencias, o Goberno local continúa a iniciar os expedientes de denuncia, que continúan a súa tramitación no executivo autonómico. O pasado ano remitíronse un total de 111 expedientes, o dobre que en 2017 cando se rexistraron 51. Delas, 31 foron infraccións leves (que nos anos anteriores eran de competencia municipal), e 80 graves ou moi graves, a maior parte delas relacionadas con cans potencialmente perigosos. Ademais, os servizos municipais abriron 31 avisos previos por falta de microchip ou molestias á veciñanza dos que 26 foron solucionados sen que fose preciso continuar o curso da infracción ante a Consellería de Medio Ambiente. Os restantes cinco avisos, todos por non implantar o correspondente microchip, remitíronse á Xunta.

Cans potencialmente perigosos

A unidade Patrulla Verde da Policía Local, que adica a metade das súas actuacións á procura do benestar e a tenza responsable de animais e a limpeza e xestión de residuos, realiza controis periódicos na rúa para revisar que os cans declarados como potencialmente perigosos conten coa correspondente licenza, estean no rexistro municipal e estean na vía pública con bozo. Como explica a concelleira responsable de Seguridade Cidadá, Rocío Fraga, esta unidade "duplicou dende 2015 o número de efectivos e tamén a súa formación específica, o que revirte nun aumento das actuacións e das campañas de informacións. Debido a este labor de control municipal, rexistrouse un  "aumento notable" das licenzas de tenencia tramitadas no pasado ano, que se incrementaron nun 33%, tal e como salienta a concelleira. Así, no 2017 fixéronse 156 e un total de 208 en 2018. A Patrulla Verde efectúa tamén campañas trimestrais de recordatorio para as persoas titulares das licenzas que están próximas a caducar. Isto traduciuse na renovación no 2018 de 44 destes permisos, un 83% máis que no ano anterior.

  • Ayuntamiento de A Coruña
    • Ayuntamiento de A Coruña | Concello da Coruña.
    • Plaza de María Pita, 1. 15001 A Coruña.
    • 981 184 200 o desde dentro del término municipal al teléfono de atención 010
¡Tienes un navegador demasiado antiguo!

Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Safari y Microsoft Internet Explorer 10 o superior. Instalar ahora un navegador compatible

?