Uso de cookies en las páginas web del Ayuntamiento de A Coruña

En las páginas web municipales utilizamos cookies propias y de terceros para mejorar nuestros servicios mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o conocer como cambiar la configuración, en nuestra página de "Normas de uso".

Seguridad ciudadana

Cuándo:

1 de octubre de 2018

O Concello celebra a semana de prevención de incendios con obradoiros prácticos abertos á cidadanía dirixidos a reducir o risco de lumes e actividades específicas para profesionais e escolares

A responsable de Seguridade Cidadá, Rocío Fraga, salienta que estas accións “visibilizan e sacan á rúa un traballo continuo” do Goberno local para formar á poboación, ao que o servizo de bombeiros dedicou arredor de medio millar de actividades o pasado ano

O Concello inicia o vindeiro venres a programación da XIII Semana de Prevención de Incendios, en colaboración coa Fundación Mapfre, que este ano estará enfocada na detección rápida de lumes e o recoñecemento de situacións de riscos no entorno habitual da cidadanía, así como nas medidas básicas de autoprotección e actuación no caso de incendios. A concelleira de Igualdade e Diversidade, con competencias en Seguridade Cidadá, Rocío Fraga, salienta que as actividades programadas continúan a liña de acción do servizo municipal de bombeiros, que se centran precisamente na prevención. "As actividades desta semana visibilizan e sacan á rúa un traballo continúo do Goberno local para formar á poboación con coñecementos que permitan identificar e previr incendios nas casas, lugares de traballo ou outros espazos da vida cotiá e tamén as accións que se poden realizar no día a día para reducir o risco de lumes", explica. O servizo de bombeiros levou a cabo o pasado ano 489 actividades de prevención, entre as que se contan a docencia, reténs, simulacros, visitas escolares ou a realización de plans e proxectos, o que sumou 5.805 horas de traballo o pasado ano. As actividades desta semana están dirixidas a escolares e persoal de empresas, da administración pública e técnico da materia, así como cidadanía en xeral.

A programación, que comeza o venres 5 e remata o martes 9 de outubro, está conformada por charlas divulgativas sobre a ordenanza municipal contra incendios, "a primeira que ten o Concello e que foi aprobada este mesmo ano", sobre a nova lei de espectáculos de Galicia e respecto ao uso e manexo de extintores. Haberá tamén visitas a catro centros escolares da cidade, onde máis de 300 nenos e nenas terán a oportunidade de aprender como previr e manter as condicións de seguridade e autoprotección en caso de lumes ou a evacuación nos colexios, así como ao centro de atención a persoas con discapadidade (CAPD - A Coruña). Ademais, a praza de María Pita acollerá, de venres a martes, unha mostra fotográfica sobre a historia do corpo de bombeiros da cidade e un área de exhibición de material, con vehículos antigos e actuais do servizo, e atención de consultas para a cidadanía, un espazo no que haberá tamén actividades interactivas para os e as máis pequenas e obradoiros para o manexo de extintores e actuación no caso de incendios domésticos, reanimación cardiopulmonar e pautas a seguir en caso de accidentes de tráfico. "Trátase dunha programación práctica, na que se atenden as consultas ou dúbidas que poidan ter os veciños e as veciñas da cidade e na que se implican a moitos sectores para os que se ofrece tamén unha perspectiva máis profesional", indica Fraga.

  • Ayuntamiento de A Coruña
    • Ayuntamiento de A Coruña | Concello da Coruña.
    • Plaza de María Pita, 1. 15001 A Coruña.
    • 981 184 200 o desde dentro del término municipal al teléfono de atención 010
¡Tienes un navegador demasiado antiguo!

Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Safari y Microsoft Internet Explorer 10 o superior. Instalar ahora un navegador compatible

?