Uso de cookies en las páginas web del Ayuntamiento de A Coruña

En las páginas web municipales utilizamos cookies propias y de terceros para mejorar nuestros servicios mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o conocer como cambiar la configuración, en nuestra página de "Normas de uso".

Seguridad ciudadana

  • Compartir
  • Añadir a mi móvil | 
  • Imprimir

Cuándo:

29 de enero de 2019

O goberno local mellora a cobertura das quendas do servizo de extinción de incendios, que contarán cun maior número de efectivos "para dar resposta a unha demanda histórica do corpo de bombeiros"

A concelleira Rocío Fraga destaca que A Coruña é o primeiro municipio de Galicia en recoñecer o nivel C1 e insta ao resto de concellos a seguir a súa estela, ademais de solicitar á Xunta que poña en marcha unha normativa autonómica de coordinación de emerxencias e ao Estado a facer o propio cunha lei marco

A área municipal de Seguridade Cidadá ampliará o número mínimo de bombeiros en cada quenda de traballo e inicia unha mellora nas condicións dos e das traballadoras deste servizo, tanto no nivel laboral como nas compensacións por perigosidade. A concelleira responsable, Rocío Fraga, considerou esta mañá que este acordo, ao que se chegou tras un traballo conxunto co cadro do persoal do Servizo municipal de Extinción de Incendios e Salvamento (SEIS) e as centrais sindicais, "muda substancialmente tanto a calidade do servizo como do traballo do persoal do mesmo". A proposta, que, como indicou a edil, consta de tres partes "irrenunciables e vinculadas entre si nas que tanto o goberno local como o servizo e os sindicatos adquiren compromisos" vén dar resposta a varias "demandas históricas do corpo de bombeiros". Así, elévanse os mínimos de persoal de cada quenda, recoñécese o nivel C1 dentro da administración local e invértese o complemento de perigosidade, que actualmente é máis elevado para os postos de mando, cando "nas categorías inferiores é onde se corre máis risco debido ás intervencións", apuntou a edil.

Deste xeito, as quendas mínimas co corpo de bombeiros pasan de 11 a 15 persoas, das que dúas serán persoal en control, dúas para condución, oito bombeiros ou bombeiras, dous cabos e unha xefatura de quenda. Con este cambio, segundo a concelleira, "garántense dúas saídas completas en cada quenda en condicións de seguridade e calidade do servizo, ao tempo que se integran funcións e diferentes actividades do persoal do parque dentro dunha mesma quenda". O acordo supón a realización de 65 quendas anuais, sete máis das que se fan na actualidade, por parte do cadro de persoal. Para poder chegar a este acordo, o cadro de persoal do SEIS acepta distintas condicións no marco deste sistema de traballo, que supón unha nova planificación de libranzas e de organización no caso de posibles baixas temporais. Ao fío, a concelleira lembrou que o goberno local incorporou na última oferta pública de emprego a convocatoria de 9 prazas --BOP do 15 xaneiro de 2019--, "imprescindible para facer o incremento dos mínimos de quenda, dotar de maior recursos ao parque e que supoña así o menor esforzo posible para os efectivos actuais".

Por outra banda, o acordo dá resposta a outra das demandas "xustas e lexítimas do corpo", segundo as cualificou Fraga, como é o paso da categoría administrativa C2 a C1 "que arrastra, ao ser un corpo xerarquizado, o paso dos mandos que actualmente teñen categoría C1 a B ou A2", e que até agora, ante a falta de lexislación estatal e autonómica, mantén aos bombeiros "nunha das categorías máis baixas da administración desde hai anos". "O SEIS é un servizo integral, alén da propia extinción de incendios. É persoal técnico de emerxencias, o que supón un maior nivel de esixencia, o que implica, pola súa vez, un incremento da especialización e unha mellora continua da súa capacidade profesional", explicou Fraga. Así, o Concello procederá ao barrado dos postos na RPT no mes de febreiro. De seguido, avanzará na incorporación de membros no cadro de persoal e dará paso a un proceso de promoción interna mediante concurso-oposición, que se realizará en dous exercicios orzamentarios. A primeira será este 2019, para facilitar a subida de categoría dos mandos C1 a A2 e a metade, aproximadamente, de C2. A segunda fase do proceso terá lugar no ano 2020. Outra das novidades acordadas polo goberno local, corpo e sindicatos está vinculada ao complemento de perigosidade. "As persoas que entran nun lume ou emerxencia son as que teñen valorada a perigosidade máis baixa, e que se incrementa en función do ascenso na escala, pero isto está invertido. Debería levar unha traxectoria inversa á que ten na actualidade", explicou Fraga, quen lembrou que esta cuestión tamén afecta á Policía Local. Neste sentido, a concelleira aseverou que o goberno local incorporará este compromiso, que afecta aos dous corpos, no acordo marco que actualmente se está a negociar na Mesa Xeral de Negociación "antes da finalización deste mandato"

"Estamos a falar dun acordo histórico e pioneiro, que propón melloras substanciais para o parque de bombeiros da Coruña, que é o que conta coa mellor equipación de Galicia, a través de medidas específicas que solventan unha débeda cun colectivo ben valorado e recoñecido pola sociedade, pero que precisa unha lexislación propia que regule a súa situación", explicou Fraga, quen lembrou a necesidade de contar unha normativa estatal que recolla este tipo de acordos, á vez que instou á administración autonómica a asumir responsabilidades lexislativas. "A Xunta debe coordinar as emerxencias como servizos públicos, converter en públicos os parques que están privatizados e comarcalizalos para poder garantir un servizo máis eficiente á cidadanía", aseverou a edil.

A concelleira estivo acompañada na presentación do acordo, que tivo lugar no Parque de Bombeiros da Coruña, polo coordinador da área de Seguridade Cidadá, Carlos García Touriñán, e membros do grupo de traballo do SEIS co que se elaborou a proposta. O bombeiro municipal Quico Leira, quen recoñeceu o traballo feito estes meses por todas as partes, cualificou como "moi positivo" o acordo para o colectivo, "ao que por fin se lle dá resposta a demandas históricas, como o paso a C1 ou a perigosidade". "Cambian e melloran as condicións tanto como traballadores, como do servizo que imos prestar á cidade. Imos ofrecer dúas saídas completas, traballar en condicións de seguridade e dar resposta a máis dunha emerxencia á vez", salientou Leira.

  • Ayuntamiento de A Coruña
    • Ayuntamiento de A Coruña | Concello da Coruña.
    • Plaza de María Pita, 1. 15001 A Coruña.
    • 981 184 200 o desde dentro del término municipal al teléfono de atención 010
¡Tienes un navegador demasiado antiguo!

Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Safari y Microsoft Internet Explorer 10 o superior. Instalar ahora un navegador compatible

?