A entrada será gratuíta mais é necesaria a inscrición en ticketea. Cada persoa poderá retirar até un máximo de 5 entradas, das que deberá cubrir o nome e apelidos de cada unha das persoas que asistirá ao evento. No día do concerto, será necesario achegar a entrada impresa ou en formato electrónico.

Discordia é unha bruxa que é feliz destruíndo a paz. De feito, a paz prodúcelle picores por todo o corpo dende o cocote ata a punta do pé.

Discordia desfruta facendo que todos os animais, e os humanos, se leven mal. E come olivas como unha tola... Menos mal que ten unha curmá fada... pois xa se sabe que na familia haiche de todo.

Un día vai acontecer algo que cambiará o seu mundo, e o mundo enteiro, para sempre.

 "Que todos nun pispás,

compartan cos demais,

dando amor ao redor,

que en paz se vive ... mellooooooorrrrrr."

 O novo espectáculo de Mamá Cabra, inspirado no recente libro publicado polo grupo "A bruxa Discordia", unha proposta cargada de mensaxes que inciden en construír un mundo mellor e máis xusto.

Ficha artística

• Gloria Mosquera: voz, guitarra
• Tomi López: baixo
• Diego Maceiras: teclado e acordeón
• Harry Prince: ​violín
• Luís Iglesias "Luchi": actor
• Pepablo Patiño: guión e dirección

Ficha técnica

• Duración: 55 min. aprox.
• Público: público familiar
• Técnica: espectáculo músico - teatral