Ágora é un equipamento sociocultural municipal integrado no que toda a cidadanía poderá atopar unha variada programación dirixida a todo tipo de públicos. Nas súas amplas instalacións calquera cidadán poderá desde acudir á biblioteca, ver unha exposición, reunirse cos amigos e amigas, participar nun taller ou asistir a unha obra de teatro ou danza. Desa maneira satisfaranse de forma intergeneracional as necesidades formativas, lúdicas, sociais e culturais de variados sectores de públicos.

Pero entre os obxectivos do Centro Ágora non só está dar resposta ás necesidades actuais senón tamén avanzar solucións ás futuras de forma tal que moitos dos seus programas serán pioneiros e terán un marcado carácter innovador..

VENDA DE LOCALIDADES

• Venda en liña Ataquilla.com
• Venda no despacho de billetes do Centro Ágora: únicamanete días de espectáculo desde 1 hora antes (sempre que queden localidades dispoñibles)
• Venda no despacho de billetes central Praza de Ourense: de luns a xoves de 10:00 h a 14:00 h e de 15:00 h a 18:00 h / venres de 10:00 h a 15:00 h