Cun contido de sensibilización e educación medioambiental, como comprobaremos nos seus textos adicados á Auga, Terra, Aire e Lume, cun repertorio creado para a ocasión, tanto para nen@s de 4 a 11 anos, como para persoas de idade adulta con discapacidade intelectual e nen@s entre 4 e 11 anos, que participarán nunha actuación final na que amosarán os mantras e as ensinanzas ambientais que iremos adquirindo ao longo das sesións.

Crearemos instrumentos reciclados cos que os/as nen@s e persoas con diversidade funcional tocarán no concerto de fin do curso no que será unha gran festa para os/as artistas e o público que acuda a velos actuar. Parte do decorado e dos complementos necesarios serán fabricados tamén polos propios nenos e nenas durante este obradoiro, no que aprenderán a desenvolverse nunha posta en escena valorando o traballo en equipo e a creatividade na interpretación musical.