Obradoiro que ten por obxecto promover unha reflexión e actitude crítica que contribúa á toma de decisións saudables a respecto do consumo de substancias en xeral e do consumo de alcohol e cannabis en particular.

Obradoiro que ten como obxectivo previr no alumnado o uso inadecuado dos videoxogos e a toma de conciencia sobre as vantaxes e inconvenientes e o establecemento de estratexias sobre o seu uso.

Programa de educación ambiental dirixido a coñecer os distintos tipos de animais da nosa cidade e fomentar unha tenza responsable dos animais domésticos.

Este obradoiro ten como obxectivo promover a toma de conciencia por parte dos participantes dos riscos asociados ao uso da internet e facilitar habilidades para moverse neste novo "hábitat" con seguridade.

Programa de educación ambiental dirixido a recoñecer e valorar a importancia da auga e o seu consumo responsable.

Ten como obxectivo facilitar a información necesaria para unha alimentación correcta e saudable, concienciando o alumnado de que un consumo responsable terá un impacto positivo na nosa saúde.

Un programa de clasificación de seres vivos e de bioloxía experimental e método científico.

O servizo muncipal de Mocidade do Concello da Coruña, a través dos Espazos Municipais de Información Xuvenil, sitúan en centros públicos e tamén en centros concertados con ESO e bacharelato da cidade, unha rede de pequenas sucursais informativas durante o curso escolar.

O programa de "Arte e Cultura no Centro" é unha proposta de lecer educativo que complementa a xornada lectiva, persegue o desenvolvemento integral (físico, intelectual e social) dos nenos e nenas nunha contorna lúdica, de diversión e entretemento (aprender xogando) e comprende un amplo abano de actividades artísticas e culturais. Organízanse a través de dúas propostas diferenciadas: "OBRADOIROS" e/ou "LUDIVERSO".

Ten como obxectivo orientar o alumnado cara a un consumo consciente e responsable relacionado coas súas actividades cotiás.

STOP Accidentes xera un modelo de intervención socioeducativa dirixido á poboación nova, que necesita desprazarse, tanto en contornas urbanas como interurbanos, de forma autónoma e son usuarios habituais de diferentes medios de transporte. Adaptamos a nosa metodoloxía a cada colectivo e actualizando contidos considerando sempre as diferentes idades e momento evolutivo dos participantes para traballar valores de convivencia na mobilidade.

Programa no que se lle ofrece a oportunidade ao alumnado de 4.º da ESO, residente na cidade da Coruña, de cursar o Grao 11 en EE.UU. -equivalente a 1.º de bacharelato.

As condicións do programa recolleranse nas súas bases reguladoras, aínda en elaboración.

É un proxecto amigable que forma parte das estratexias do Concello da Coruña e Stop Accidentes para impulsar a mobilidade sostible e converter ao peón no verdadeiro protagonista da seguridade viaria.

A Federación Provincial de ANPA en convenio co Concello da Coruña, co fin de dar resposta ás necesidades de conciliación das familias nos períodos vacacionais, leva a cabo o programa de actividades Campacole, baixo o formato de campamentos urbanos con servizo de madrugadores e comedor.

Estes campamentos levaranse a cabo en diversos CEIP da Coruña.

Terceira edición. A saga continúa. Un curso máis creamos unha escena "de cinema" para a nosa contorna educativa. Luces, cámara e acción...

Ten como obxectivo dar a coñecer as principais pautas para identificar claramente os produtos que se comercializan no mercado, así como os requisitos xerais de seguridade.

Dirixido ao alumnado de 3ª a 6º de educación primaria da cidade, para promover o camiño escolar e a seguridade viaria en todos os centros da cidade, impulsando hábitos de mobilidade saudables nos desprazamentos cotiáns dos alumnos para fomentar o desprazamento a pé de nenos/as e familiares nos seus traxectos escolares.

Sesións de formación e de familiarización no manexo de drons para posteriormente participar no concurso.

Trátase de propiciar a introdución na aula dunha tecnoloxía nova e motivadora e de alcanzar obxectivos educativos a través do manexo e programación de Droneblocks do dron Tello.

O Concello da Coruña, a través do Servizo de Educación, promove o Consello Local da Infancia da Coruña, CLIAC, cuxo obxectivo é constituír un grupo estable de traballo con nenos e nenas da cidade que traslade a voz de infancia ás políticas públicas do Concello.

Ten como obxectivo orientar ao alumnado cara a un consumo consciente e responsable, descubrindo alternativas para facelo desde unha perspectiva ecolóxica, ética e comprometida coa contorna.

Ten como obxectivo favorecer que o alumnado coñeza os seus dereitos e deberes á hora de consumir tecnoloxía, co fin de facer un uso responsable da mesma.

Ten como obxectivo promover o benestar emocional do alumnado a través da expresión das súas experiencias, pensamentos, sensacións... e a súa incorporación de forma saudable no seu hábitat emocional (regularización de emocións, prevención de ansiedade...), como parte da prevención de riscos asociados ao comezo de condutas adictivas.

A Exposición "Converxencias Arte e Ciencia: Escher", organizada pola Institución Galega de Ciencia (IGACIENCIA) e o Servizo Municipal de Educación do Concello da Coruña, enmárcase dentro das actividades de difusión da ciencia e da cultura científica na sociedade, para mostrar as sinerxías e vencellos entre a arte e a ciencia.

Programa inscrito no programa Erasmus + da Unión Europea, polo que se organizan e posibilitan prácticas de formación, de tres meses de duración en empresas de diversos países europeos para recentemente titulados de FP Superior nos centros adscritos ao programa.

O programa Cóxegas é unha proposta que dá resposta á demanda de conciliación familiar e laboral para familias con fillos e fillas escolarizados en centros públicos, en tempo extraescolar durante o mes de setembro.

É un programa integral de actividades físico-deportivas para o alumnado dos centros educativos públicos da cidade, desde a filosofía do 'deporte para todos'.

As propostas deportivas realízanse en horario extraescolar, nas propias instalacións dos centros e os eventos especiais e competicións, nas instalacións deportivas municipais.

Ten como obxectivo ofrecer a información necesaria para que o alumnado coñeza os seus dereitos e deberes como persoas consumidoras e que saiba exercelos de maneira responsable.

O programa de Educación Viaria do Concello da Coruña, é unha actividade dirixida e realizada pola Policía Local da nosa cidade. Procura mellorar a seguridade viaria dos escolares mediante unha formación adecuada e adaptada ás necesidades e diversidade dos grupos, destacando a transmisión de valores e actitudes de condutas cívicas, e por tanto, viarias.

Programa de educación ambiental destinado a recoñecer os recursos enerxéticos e fomentar un aforro enerxético eficaz.

Obradoiro que ten por obxecto favorecer decisións saudables no uso adecuado das redes e valorar a súa influencia nos comportamentos propios e alleos

A XVII edición da Feira Matemática é unha xornada para divulgar e profundar na ensino-aprendizaxe das matemáticas e para conseguir unha intercomunicación social, matemática, lúdica, práctica e agradable, animando a nenos/as e maiores a resolver problemas matemáticos diversos. Organizada pola Asociación Galega de Profesorado de Educación Matemática (Agapema).

Obradoiro para fomentar no alumnado as habilidades de comunicación e as competencias para a toma de decisións autónomas e saudables, que actúan como factores de protección fronte ao comezo do consumo de substancias adictivas.

O programa educativo "Idiomas do Mundo" ofrece a oportunidade ao alumnado que cursou 1º de Bacharelato no curso 2023-24, de realizar unha actividade de inmersión lingüística no verán de 2024, co obxectivo de mellorar a competencia nalgunha das linguas europeas máis faladas no mundo e poder acreditar de modo oficial o nivel alcanzado segundo o Marco Común Europeo de Referencia para as Linguas (MCERL).

A actividade de lecer "Idiomas no centro", é unha proposta centrada nas linguas estranxeiras, co fin de ofrecer unha vertente máis lúdica do achegamento ás mesmas. Organízase a través de dúas propostas diferenciadas: ENGLISH LAB (inglés) e ON PARLE (francés).

Obradoiro que ten por obxecto facilitar información obxectiva para promover a análise sobre a influencia das redes sociais no comportamento e fomentar o seu uso dunha forma adecuada e sen riscos.

Programa de difusión do espírito emprendedor entre o alumnado de ciclos formativos e educación superior de centros públicos (ou privados cos que se asine convenio), mediante a titorización/mentorización de proxectos empresariais, servindo de apoio e complemento ao persoal docente dos centros.

O alumnado poderá optar a participar nunha feira na que se premian os tres mellores proxectos.

Obradoiro que promove as habilidades persoais e o traballo cooperativo de quen participa, desde unha perspectiva de xénero, para unha convivencia saudable e previr posibles situacións de ciberacoso e acoso escolar.

Itinerarios pola cidade para coñecer a súa historia e algúns dos edificios emblemáticos mediante actividades de observación.

Programa de educación ambiental dirixido a analizar e a concienciar sobre a mobilidade responsable, así como visibilizar a accesibilidade.

A finalidade do Programa MUS-E é o traballo desde as Artes, no ámbito escolar, como ferramenta que favorece a integración social, educativa e cultural do alumnado e as súas familias, mellorando con iso o seu rendemento na aula.

MUS-E fai fincapé na importancia do diálogo e a interacción así como o desenvolvemento da creatividade e a imaxinación na práctica educativa para a mellora das aprendizaxes na escola e o traballo en valores.

O Servizo Municipal de Deportes do Concello da Coruña oferta para escolares dos centros educativos públicos da cidade o programa de Natación Escolar co fin de posibilitar que os escolares da cidade gocen dunha aprendizaxe significativa no medio acuático e un avance das súas técnicas de natación.

Programa de educación ambiental dirixido á sensibilización e comprensión do aire.

Obradoiro que ten por obxecto fortalecer as habilidades e competencias para unha actitude crítica fronte ao consumo de substancias e a xestión de posibles situacións de risco.

Este taller abordará diferentes temáticas relacionadas coa promoción da igualdade e da diversidade, axustándose ao nivel educativo do alumnado e empregando ferramentas didácticas atractivas e de natureza lúdica que aproveiten e potencien a creatividade do alumnado destinatario.

Este obradoiro abordará diferentes temáticas relacionadas coa promoción da igualdade e da diversidade, axustándose ao nivel educativo do alumnado e empregando ferramentas didácticas atractivas e de natureza lúdica que aproveiten e potencien a creatividade do alumnado destinatario.

Este taller aborda diferentes contidos relacionados coa igualdade e co respecto da diversidade, aproveitando o valor simbólico do xogo, a narración e a ilustración de historias e reforzando nos e nas menores, de maneira transversal, capacidades como o autoconcepto, o autocontrol e as relacións entre iguais.

Este obradoiro ten como obxectivo a prevención do uso inadecuado de redes sociais e xogos interactivos, así como a súa derivación en condutas de risco asociadas (ludopatía).

Este taller trata de fomentar a capacidade de expoñer argumentos propios e reflexionados sobre un contido determinado. Esta aprendizaxe facilítase cando o acompañamento é apropiado, as fontes nas que se fundamentan os argumentos son adecuadas, variadas e a contorna creada na aula dá cabida a un pensamento crítico baseado no cuestionamento e a pluralidade de opcións.

Obradoiro que aborda a saúde afectivo-sexual desde unha perspectiva de xénero, no que se traballan as diferenzas na transmisión de valores emocionais, afectivos e sexuais segundo sexan mozas ou mozos, as repercusións que teñen as ditas diferenzas nas súas vidas e o impacto causado, neste ámbito tan importante da saúde, polos roles e estereotipos socialmente establecidos.

O Concello da Coruña leva a cabo un Pleno Infantil no que a Alcaldesa e o Concelleiro de Educación se reúnen con escolares da cidade.

Obradoiro que ten por obxecto promover no alumnado actitudes prosociais e saudables, que proporcionen as ferramentas adecuadas para unha abordaxe e xestión saudable e positiva dos conflitos en xeral e ante as situacións relacionadas co consumo de substancias adictivas e alcohol en particular.

Charlas de primeiros auxilios orientadas ao alumnado dos centros educativos e aos seus docentes.

Once pases escolares do espectáculo "Zapatos", de Caramuxo Teatro

O programa educativo MACO nace coa vocación de profundar na traxectoria persoal e artística de Picasso a través da colaboración das Escolas de Artes Superiores de Deseño da Coruña e Málaga. Persegue poñer en valor o papel da formación no período académico e a influencia das vivencias nas dúas cidades (Málaga e A Coruña) na súa obra.

Ten como obxectivo descubrir, dunha maneira lúdica, a existencia de técnicas e métodos que empregan as marcas para incitarnos á compra, aprendendo así a realizar un consumo intelixente e responsable.

Actividade para fomentar o espírito cooperativo e de traballo en grupo a través das matemáticas.

Programa de educación ambiental dirixido a coñecer as claves críticas da xestión sostible e o Plan de Residuos Municipal.

Percorridos a pé pola cidade para escolares desde os tres ata os oito anos, co obxecto de que coñezan a súa cidade á vez que adquiren valores e actitudes cívicas, realizando actividades didácticas.

"Sementando participación" é un programa que se levará a cabo en 2023 co obxectivo de xerar un proceso de participación infantil para que as e os menores e adolescentes da cidade coñezan e practiquen técnicas, ferramentas e habilidades para a participación cívica.

Programa educativo que pretende fomentar os valores da economía social e o espírito emprendedor a través da creación e xestión dunha cooperativa escolar na aula.

Son un conxunto de intervencións sistemáticas dirixidas a facilitar o tránsito desde a escola á vida laboral activa, desenvolvidas co obxecto de posibilitar que os estudantes de FP dos Institutos de Ensino Secundario do municipio, dispoñan da información e o asesoramento necesario para acurtar os tempos entre a finalización dos estudos e a incorporación ao emprego.

Programa de educación ambiental dirixido a sensibilizar o alumnado no coidado da súa contorna máis próxima.

Obradoiro que ten por obxecto promover a toma de decisións saudables no uso das redes sociais e os videoxogos, cunha metodoloxía baseada no uso de actividades TRICs.

Visita á Casa das Ciencias, á Domus e ao Aquarium Finisterrae

Visitas dirixidas ao segundo ciclo de educación infantil e a todos os niveis de educación primaria

Percorrido guiado polas dependencias que configuran cada casa museo.

Visitas a diversas entidades da cidade e percorridos guiados para alumnado de centros educativos en horario escolar.

Acción de dinamización lingüística na que se presentan monólogos cómicos creados e interpretados por alumnado de centros de Coruña. Os monólogos interprétanse en galego e tratan temas de actualidade.

Trátase dun obradoiro de programación e robótica onde o obxectivo é adquirir formación precisa para participar no concurso. Os conceptos computacionais utilízanse para enfocar e resolver problemas reais, comunicarnos con outras persoas e xestionar múltiples aspectos da nosa vida cotiá.

Programa escolar concibido como un intercambio de representacións entre grupos teatrais. Cada grupo crea/selecciona e ensaia unha obra de teatro para representala en dous centros educativos do Concello.

Obradoiro que ten por obxecto fomentar hábitos saudables para previr o inicio de consumo de alcohol e tabaco.