- Inicio
Información Xuvenil
Os espazos municipais de información xuvenil do concello da Coruña, enmárcanse no servizo de Mocidade, dentro da área de Igualdade, Benestar Social e Participación. Caracterízanse por unha serie de trazos que os fai singulares e defíneos como instrumentos para facilitar a autonomía persoal da mocidade e para ofrecerlles unha atención integral e de calidade. Fronte a un modelo centralizado, o Concello da Coruña aposta pola descentralización dos servizos de información xuvenil e polo achegamento á mocidade, convertendo a dimensión territorial nun eixe estratéxico que permita a creación dunha nova relación co sector xuvenil na súa dimensión máis ampla.
Coñece a Rede de Información Xuvenil
A rede de espazos de información xuvenil da cidade caracterízase por ser centros xeneralistas nos que a xente nova pode atopar toda a información que necesitan: educación, lecer e tempo libre, mobilidade, asociacionismo, vivenda, emprego... Tamén contemplan asesorías especializadas, de centros de interese que, no transcurso dos anos, resultaron de máximo interese para as/os mozas/os da cidade.
Realizan, ademais, un traballo transversal que se desenvolve non só con outras áreas do Concello, senón tamén coas entidades xuvenís, asociacións e colectivos da cidade sendo un espazo que ofrece, ademais de información, recursos especializados atendidos por persoal cualificado e unha atención que oriente e acompañe á mocidade na toma de decisións.
Non perdas
Actualidade
-
Axenda de actividades de MUNCYT A Coruña
Cando:
Dende o 01/05/2024 ata o 31/05/2024
O Museo de Ciencia e Tecnoloxía (MUNCYT) presenta a axenda de actividades do mes de maio de 2024, elaborada ao redor da colección do museo e en relación ás diferentes disciplinas científicas e tecnolóxicas. Así mesmo conta con espazos singulares nos que se realizan actividades divulgativas.
-
ORACLE: Reto Enseña 2.0
Cando:
Dende o 06/05/2024 ata o 03/06/2024
Inscricións:
Os participantes poden rexistrarse ata o último día da competición, o luns 3 de xuño de 2024 ás 15.00 h.
Este evento ofrécelle ao alumnado universitario a oportunidade de demostrar as súas habilidades aventurándose nun reto de Data Science. A misión é realizar unha análise exploratoria de datos que revele os factores máis impactantes nos resultados das carreiras de F1. Que interesa e queren gozar os afeccionados do motor? Como afecta o clima á carreira?.
-
Sala Mardi Gras: maio
Cando:
Dende o 01/05/2024 ata o 31/05/2024
A sala Mardi Gras presenta a súa programación de concertos e outros espectáculos para o mes de maio.
-
Jazz Filloa: maio
Cando:
Dende o 02/05/2024 ata o 31/05/2024
Axenda de concertos e jam sessions do mes de maio no Jazz Filloa
-
TRA@ZOS ( Trazos y trozos de vida )
Cando:
Dende o 03/05/2024 ata o 28/05/2024
A Asociación de Artistas Plásticos Galegos (ARGA) organiza na súa sede TRA@ZOS ( Trazos e trozos de vida ) unha exposición retrospectiva de 1994/2024 da artista Rosa Guisán.
-
Programación Sala Fernando Rey, maio 2024
Cando:
Dende o 02/05/2024 ata o 01/06/2024
A sala Fernando Rey do Fórum Metropolitano presenta no mes de maio o ciclo de cinema "Saíndo da fábrica"
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible