O 18 de xullo de 1936, coincidindo co levantamento golpista contra a República que deu paso á guerra civil, a troupe de 50 artistas do Circo Anastasini que chegara a Lodosa (Navarra) desapareceu sen deixar rastro. Din que algúns foron fusilados e que o resto foron obrigados a entreter á tropa. Mediante a linguaxe dos obxectos, a narradora Olvido Flores conta unha historia de beleza amarga, poesía, circo e guerra, dentro dunha caravana habilitada para acoller a 22 de espectadores e que quere ser unha homenaxe á memoria, e a aquelas persoas esquecidas ás que ninguén lles levou flores.

Con Estefanía de Paz Asín

Dirección, guión e dramaturxia: Estefanía de Paz Asín

Produción de Estefanía de Paz Asín e Iraia Sanz Urtasun

Nota: este espectáculo realizase no exterior do Teatro Rosalía Castro dentro dunha caravana adecuada a tal efecto. Ten un aforo reducido de 22 localidades e non é apto para cadeiras de rodas.  Realizaranse 3 pases durante dous días.

Venda de entradas 

Despacho de billetes da praza de Ourense: de luns a venres das 11.00 ás 15.00 h e das 16.30 ás 19.30 h

Despacho de billetes do Teatro Rosalía: só abre os días de función das 16.00 ás 20.00 h

Venda en liña

* Programación para persoas adultas. Idade recomendada a partir de 14 anos

* Unha vez que comece o espectáculo non se permitirá acceder á sala.