Programación de cursos de teleformación e presenciais na Coruña:   

Os requisitos son os seguintes:

• Persoas maiores de dezaseis anos ou que os fagan no ano natural da convocatoria, que desexen mellorar o seu coñecemento e dominio do galego e preparar as probas que a Secretaría Xeral de Política Lingüística convoca periodicamente para certificar a competencia nesta lingua.
• No caso dos cursos de teleformación, as persoas solicitantes deberán dispoñer dun equipamento informático que cumpra, como mínimo, os seguintes requisitos técnicos:
  • Ordenador con conexión á internet.
  • Conta de correo electrónico especificada na solicitude.
  • No curso Celga 1 de teleformación, deberán dispoñer a maiores de navegador web con plugin de flash.
  • Nos cursos Celga 3 e Celga 4 de teleformación, deberán dispoñer a maiores de micrófono ou calquera medio alternativo que permita a gravación de voz.
  • Para solicitar un curso Celga 3 ou Celga 4 de teleformación será indispensable o seguinte: 
    • Se solicita un curso destinado á poboación que reside en Galicia, a persoa deberá estar empadroada nalgún dos concellos da provincia galega correspondente.
    • Se solicita un curso destinado á poboación que reside no Bierzo (León) e Sanabria (Zamora), a persoa deberá estar empadroada nalgún dos concellos que conforman a comarca do Bierzo ou que están adscritos ao IES Valverde de Lucerna, de Puebla de Sanabria.
    • Se solicita un curso destinado ao resto da poboación, a persoa deberá estar empadroada fóra de Galicia.
• As solicitudes dos cursos de teleformación presentaranse obrigatoriamente por medios electrónicos a través do formulario normalizado dispoñible na sede electrónica da Xunta de Galicia.

Inscricións: ata o 11/03/2019

Duración: con carácter xeral, cada curso terá unha duración de 70 horas lectivas

Prezo: gratuítos

Para máis información, pódese contactar coa Delegación da Xunta na Coruña:  praza Luís Seoane, s/n. 15008  A Coruña, 981 184 701, ou no web www.lingua.gal. Toda a información no DOG 19/02/2019.