Dous corpos que respiran todo o que os rodea. Dous corpos que aprecian o que non coñecen, dous corpos que xorden, crecen e descóbrense na súa tenra vida a través do xogo e da curiosidade.

"Tú y yo", e a danza... para eses miúdos corazóns amantes da vida.

"Tú y yo" latexa dentro deses lugares comúns ás persoas, que ao compartilos se volven presentes e nos fan mellores ao recoñecelos. "Tú y yo" nace coa condición de utilizar os límites que conviven coas persoas, e usalos como discurso para a creación do espectáculo.

Deseñado especialmente para a primeira infancia, este espectáculo ábrese a un mundo de posibilidades para bebés, nenos, nenas (de 6 meses en adiante) e familias.

En "Tú y yo" celebramos a diversidade e facemos da inclusión a nosa norma.

Dirección do espectáculo: Omar Meza

Dirección teatral: Concepción Villarubia

Dramaturxia: David Ojeda

Coreografía: Omar Meza

Bailaríns e colaboración coreográfica: M.ª José Casado e Raúl Durán

Composición musical: Carmen García Jara

Asesoramento en discapacidade visual: Francisco López Montellano e Carmen Herrero Menéndez (Centro de Recursos Educativos de ONCE Madrid), Tania Gombao e Cristina Carrasco (Asociación APHISA, de Alcalá de Henares).

VENDA DE BILLETES

• www.ataquilla.com
• Despacho de billetes da praza de Ourense (agás festivos): de luns a venres de 11.00 a 15.00 h e de 16.30 h a 19.30 h.
• Despacho de billetes do Ágora: dende unha hora antes do comezo do espectáculo (sempre que queden entradas dispoñibles).

PAGAMENTOS: no despacho de billetes da praza de Ourense, do Ágora e na televenda con tarxeta de débito ou de crédito, agás American Express.

MÁIS INFORMACIÓN www.coruna.gal/cultura