Concello da Coruña

Concello da Coruña

Cando:

27 de decembro de 2018

«Solarigrafía», unha exposición de fotografías co Sol como protagonista

A mostra preséntase na planta baixa da Casa das Ciencias

A exposición componse de imaxes que seguen o rastro do Sol en diferentes latitudes da Terra, e está comisariada polo fotógrafo Diego López Calvín.

Solarigrafía é un proxecto aberto que comeza no ano 2000, no que se combinan aspectos artísticos e tecnolóxicos para obter e compartir fotografías que nos mostran o percorrido aparente do Sol en distintas latitudes da Terra. O concepto foi introducido polos fotógrafos Diego López Calvín, Slawomir Decyk e Pawel Kula.

As imaxes obtéñense con cámaras estenopeicas cargadas con papel fotosensible que son expostas á luz durante longos períodos de tempo. A imaxe xérase por ennegrecemento directo no interior da cámara escura e produce un negativo de papel que, nunha segunda fase de traballo, é escaneado e tratado cun programa de edición de imaxe para obter o arquivo dixital.

Modernas técnicas dixitais

Deste xeito, as imaxes tenden unha ponte entre os comezos da fotografía do século XIX e as modernas técnicas dixitais do século XXI. Ao mesmo tempo, relacionan de forma directa a fotografía como medio de expresión coa astronomía, a meteoroloxía, a xeolocalización, o coñecemento do medio ou a agricultura.

As imaxes da exposición son obra de Diego López Calvín, Otto Roca, Jose Luiz Oubiña, X. Esteban Naves, Xiu Chaw, José Loredo, Maciej Zapior, Łukasz Fajfrowski e Tommy Dahl Markussen.

Enderezo:

Casa das Ciencias. Parque de Santa Margarita s/n. 15005 A Coruña

Novidades

Noticias

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión