O grupo UDCiencia de divulgación científica e innovación docente e o Departamento de Matemáticas da UDC, coa colaboración dos Museos Científicos Coruñeses, presentan o vindeiro sábado 1 de decembro a súa xornada anual de experimentos e actividades científicas dirixidas a todos os públicos.

A xornada desenvolverase na sala de actividades da Casa das Ciencias, no edificio da entrada ao Parque de Santa Margarida pola rúa Padre Sarmiento. A entrada será libre e estará aberta de 10.30 a 14.30 e de 16.30 a 19.00 horas.

O público asistente poderá participar nunha ducia de talleres, nos que profesorado e alumnado da universidade abordarán cuestións da nosa contorna máis cotiá que están relacionadas coa bioloxía, a química, as matemáticas ou a física.

Consulta o programa completo na ligazón do final desta páxina.