A finalidade última é afianzar as bases dunha sociedade na que prime a convivencia en igualdade entre mulleres e homes, promovendo desde a infancia que ambos poidan desenvolverse e relacionarse libres de prexuízos e estereotipos de xénero.

Obxectivos xerais do programa:

• promover a igualdade de xénero no ámbito educativo, tanto formal como non formal, incidindo na importancia de que se transmita unha imaxe plural e non estereotipada das mulleres e dos homes e analizando de modo crítico as mensaxes e imaxes que se transmiten das nenas, mozas e mulleres adultas a través de diferentes medios.
• impulsar a conciliación da vida persoal, familiar e laboral e a corresponsabilidade social e familiar, cuestionando a dobre xornada ou dobre presenza das mulleres e promovendo unha participación equilibrada de nenos e nenas nos traballos domésticos e de coidados.
• mobilizar a concienciación cidadá a favor da igualdade efectiva entre mulleres e homes en todos os ámbitos do desenvolvemento humano: persoal, familiar, social e laboral.
• relacionado co anterior obxectivo, impulsar o compromiso social cun modelo de relacións humanas máis equitativo e beneficioso para a sociedade.