Marcos Pérez Maldonado, director dos Museos Científicos Coruñeses, ofrecerá a charla que cerra o ciclo de conferencias do 25 aniversario da AACC.
Para público en xeral
12/07/2018
Xa rematou
Ás 19.00 horas
Casa das Ciencias. Parque de Santa Margarita s/n. 15005 A Coruña
Entrada libre
Un museo como a Casa das Ciencias pódese visitar de moitas formas, pero ningunha tan interesante como aquela na que as exposicións se imaxinan como un campo de xogo. Lamentablemente a nosa lingua limita o que os ingleses chaman playground e os franceses aire de jeux a un espazo só apto para a infancia, pero se é certo aquilo de que todos levamos un neno escondido dentro, a idea pode servirnos igual. Nun parque infantil hai obxectos que podemos explorar: randeeiras, tobogáns, noras, areeiros. E son tan atractivos que non necesitamos moita motivación para volver alí día tras día. Os mecanismos non teñen instrucións, non as necesitan. En realidade todos asumimos que é asunto noso descubrir non tanto como funcionan como para que serven, ou mellor aínda, que podemos sacar deles cando os exploramos pola nosa conta ou en colaboración con outras persoas usuarias, amizades ou descoñecidas.
Poderiamos xustificar a importancia dos parques infantís co argumento de que estas visitas permítennos aprender (mediante a experiencia directa) conceptos como o rozamento, o movemento oscilatorio ou a forza centrípeta ou a inercia. Tamén poderiamos destacar as bondades do exercicio físico, ou as oportunidades para a socialización. Pero en realidade todos sabemos que os parques infantís son imprescindibles porque alí xógase, e xogar é divertido.
23 de abril de 2024
Terá lugar o sábado 4 de maio, no Parque de Santa Margarida, de 11.00 a 19.00 horas.
22 de abril de 2024
O prazo de presentación de traballos finaliza o 3 de xuño nas oito modalidades do certame
21 de marzo de 2024
A Casa das Ciencias, a Domus e o Aquarium Finisterrae abren todos os días das 10.00 ás 19.00 horas.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible