Así será Greenweekend na Coruña:

• Venres 20 de outubro: pola tarde, coa chegada das persoas participantes comeza o networking e as presentacións informais. Despois haberá unha pequena presentación sobre o evento, tras a que cada persoa terá dous minutos para lanzar a súa idea. Tras as exposicións todas as ideas serán votadas polos propios emprendedores. Coas mellores ideas crearanse os grupos de traballo.
• Sábado 21 de outubro: os equipos traballarán durante todo o día, cos descansos ocasionais para comer ou escoitar os talleres. Os/as mentores/as proporcionarán durante a xornada o asesoramento concreto no ámbito das súas competencias para os equipos que o desexen.
• Domingo 22 de outubro: durante a mañá os equipos seguirán traballando nos seus proxectos con descansos para charlas curtas, e despois de comer cada equipo terá 5 minutos para presentar o seu proxecto. O xurado, composto por representantes de empresas e institucións públicas, fará as votacións e seleccionará os mellores equipos e ideas. Os 3 mellores proxectos contarán con apoio loxístico e premios que lles axuden a consolidar a súa idea.

Greenweekend é un evento ideado para profesionais do sector ambiental: persoas candidatas, emprendedores e empresas. É un espazo deseñado para facer contactos, conseguir un emprego, coñecer outra xente con inquietudes e ilusións semellantes ou traballar e colaborar xuntas durante toda a fin de semana para lanzar ao mercado novos proxectos empresariais. Trátase da ocasión perfecta para persoas con espírito emprendedor que teñan ideas ou se atopen en busca de inspiración.