Concello da Coruña

Aínda recoñecendo a importancia que os factores ambientais desempeñan no consumo de drogas, esta é unha conduta individual. Neste sentido, aínda que o contexto social pode exercer unha gran presión cara ao consumo destas sustancias, o individuo pode ter a posibilidade (se é a súa decisión e dispón das capacidades necesarias para mantela) de rexeitar tal presión e mesmo modificar o ambiente. Desta forma, ponse de manifesto a importancia que as características individuais xogan no inicio e o mantemento do consumo de drogas posto que, en función delas, cada persoa dá diferente significado aos efectos de cada sustancia e interpreta dunha maneira ou outra as influencias ambientais.

Factores individuais de risco

• Conduta antisocial: falta de conformidade coas normas sociais
• Pouca capacidade para as relacións interpersoais
• Elevada procura de sensacións (tendencia a experimentar sensacións novas e intensas, a miúdo sen reparar nos riscos que iso implica)
• Baixa autoestima e baixa asertividade
• Escasa tolerancia á frustración
• Alta necesidade de aprobación social e falta de autonomía respecto ao grupo
• Dificultade para o manexo das emocións
• Baixo aproveitamento escolar
• Falta de habilidades para tomar decisións ou resolver problemas
• Expectativas positivas respecto das consecuencias do consumo de drogas
• Pouco coñecemento sobre as drogas
• Consumo temperán de drogas
• Consecuencias do abuso físico, sexual ou emocional
• Actitudes favorables cara ao consumo de drogas
• Ausencia de valores ético-morais

Factores individuais de protección

• Resiliencia (capacidade para afrontar situacións difíciles e adversas; adaptación)
• Crenza na orde social
• Autoconcepto e autoestima sans
• Habilidade para a toma de decisións e resolución de problemas
• Pensamento autónomo, crítico e creativo
• Presenza dun proxecto de vida
• Valoración da saúde
• Habilidades para adaptarse ao cambio
• Capacidade para establecer empatía
• Capacidade para establecer e manter relacións interpersoais
• Capacidade para manexar a presión de grupo
• Relacións sociais positivas
• Capacidade para manexar emocións propias e para manexar tensión ou estrés