• O estado dos elementos do medio ambiente (aire, atmosfera, auga, chan, terra, paisaxes, espazos naturais, zonas húmidas, zonas mariñas e costeiras...), a diversidade biolóxica e os seus compoñentes e a interacción entre estes elementos.
• Os factores que afecten ou poidan afectar aos elementos do medio ambiente mencionados, entre outros: substancias, enerxía, ruído, radiacións ou residuos, emisións, verteduras...
• As medidas en materia de medio ambiente (administrativas, políticas, normas, plans, programas, acordos...) e actividades que afecten ou poidan afectar aos elementos e factores citados, así como as actividades ou as medidas destinadas a protexer estes elementos.
• Os informes sobre a execución da lexislación ambiental.
• As análises da relación custo-beneficio e outras análises e supostos de carácter económico utilizados na toma de decisións relativas ás medidas e actividades mencionadas.
• O estado da saúde e seguridade das persoas, incluída, no seu caso, a contaminación da cadea alimentaria, condicións de vida humana, bens do patrimonio histórico, cultural e artístico e construcións, cando se vexan ou poidan verse afectados polo estado dos elementos do medio ambiente ou, a través deses elementos.

O Concello da Coruña xestiona o seu Sistema de Información Ambiental (SIA), renovado grazas a fondos EIDUS que inclúe unha enorme cantidade de información procedente das redes de vixilancia ambiental e dos modelos de predición da contaminación de alta resolución así como datos satelitais.

Na páxina web que dá soporte ao seu SIA recóllense os contidos mínimos que debe incluír a información ambiental, segundo recolle o art. 7 da lei mencionada anteriormente, entre eles:

• Panel de información ambiental: aire, ruído, augas e meteoroloxía
• Panel de explotación de datos das redes ambientais
• Visor de datos: Mapas de ruído, mapas de dispersión da calidade do aire, mapa de biodiversidade, emisións radioeléctricas, contaminación luminosa, modelo de predición da contaminación atmosférica e modelo dinámico de ruído.
• Informes e publicacións ambientais