Nada en Santiago de Compostela. Traballei como consultora de xestión económica e patrimonial para administracións públicas e agora son concelleira de Economía e Facenda en Compostela. Estudei Ciencias Políticas na Universidade de Santiago, fun colaboradora activa con varias ONG e membro de movementos feministas.

Compostela Decide é unha das iniciativas da miña área da que me sinto máis orgullosa. Trátase dunha ferramenta que puxemos en marcha no 2016 e coa que a veciñanza de Compostela pode decidir de maneira directa a que destinar unha parte do orzamento do noso concello. Con Compostela Decide logramos poñer en marcha actividades na área de Mocidade, nas festas do Apóstolo e tamén infraestruturas demandadas polos veciños e veciñas.