Uso de cookies nas páxinas web do Concello de A Coruña

Nas páxinas web municipais utilizamos cookies propias e de terceiros para mellorar os nosos servizos mediante o análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso"..

Encontro ibérico

    Que é o Encontro Ibérico?

    O IV Encontro Ibérico de Democracia e Orzamentos Participativos ten como obxectivo ser un espazo de intercambio e reflexión sobre as diversas experiencias de orzamentos participativos que están a se levar a cabo en toda a península e marcar unha axenda común para seguir profundando na democracia participativa.

    Articúlase en mesas de traballo e talleres, que permitirán pór en común as diversas experiencias que se levan a cabo en diferentes territorios Iberoamericanos. Impulsaranse varias mesas de traballo para reflexionar e traballar sobre a diversidade da participación e a súa accesibilidade, pondo especial atención en colectivos como a infancia, a mocidade ou as persoas que non teñen autonomía dixital. Poderemos coñecer tamén experiencias latinoamericanas e abordaremos outras fórmulas de democracia participativa que están a se destacar polo seu carácter innovador.

    Ademais do formato mesa, que se desenvolverá como unha conversa entre as diferentes experiencias, o encontro inclúe talleres simultáneos que buscan unha participación activa de todas as persoas inscritas para buscar solucións a algúns dos retos destes procesos: a inclusión, a diversidade e a igualdade de xénero nos orzamentos participativos; a articulación dos diferentes roles dentro dun proceso de orzamentos participativos e os mecanismos para unha mellor transferencia entre os estudos e as prácticas. 

    EN EDICIÓNS ANTERIORES DO ENCONTRO IBÉRICO

    Foto edicións anteriores

    O Concello da Coruña, co apoio da Deputación da Coruña, albergará o IV Encontro Ibérico de Democracia e Orzamentos Participativos, en colaboración coa Rede de Cidades Participativas e a Rede de Autarquías Participativas, co apoio técnico do Observatorio Internacional de Democracia Participativa, a Unión de Cidades Capitais Iberoamericanas e as asociacións In Loco e Coglobal.

    Este encontro dá continuidade aos xa celebrados desde 2012 nas localidades de Odemira, Mollina e Ponta Delgada e, coma eles, busca marcar unha axenda ibérica común para seguir profundando na democracia participativa.

    • Concello da Coruña
      • Ayuntamiento de A Coruña | Concello da Coruña
      • Praza de María Pita, 1. 15001 A Coruña
      • 981 184 200 ou desde dentro do termo municipal ao teléfono de atención 010
    Tes un navegador demasiado antigo!

    Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Safari e Microsoft Internet Explorer 10 ou superior. Instalar agora un navegador compatible

    ?