O 2 de xullo de 1976 Salvador de Madariaga e a súa esposa, Emilia Székley, regresan a Galicia despois de 40 anos de exilio.

O gran polígrafo coruñés puido regresar á súa cidade natal (A Coruña), e nela puido celebrar os seus 90 aniversarios. O Instituto «José Cornide» celebrou con varios actos a presenza de quen tan xenerosamente doara ao Cornide o seu inmenso legado documental e fotográfico.

O 23 de xullo, día do seu nacemento, a través dun solemne acto no Salón de Sesións do Concello da Coruña e, baixo a presidencia do alcalde nese momento, Manuel Liaño Flores, e do director do Instituto Cornide, Enrique Míguez Tapia, Madariaga foi nomeado presidente de Honra do Instituto e pronunciou un emotivo discurso no que lembraba a súa nenez na Coruña, a cidade que nunca esqueceu e á que sempre quixo volver.