O Instituto «José Cornide» de Estudos Coruñeses constituíuse o 6 de abril de 1964 mediante un Padroado presidido pola Alcaldía, que nomeou unha Xunta de Goberno e aos primeiros membros Numerarios. O Decreto de Alcaldía do 8 de xullo do mesmo ano integrouno dentro da súa estrutura municipal, onde continúa na actualidade. En solemne sesión académica que tivo lugar no Salón de Sesións do Palacio Municipal de María Pita o 10 de febreiro de 1965, inauguráronse as tarefas do Instituto, co primeiro dos discursos de ingreso como membro de Número de Carlos Martínez-Barbeito, que levou por título Evocación de José Cornide. En posteriores anos foron incorporándose ao Instituto numerosos novos membros Numerarios e Colaboradores.