Durante 4 horas e da man do colectivo Accem utilizaremos o movemento como ferramenta de expresión corporal, buscando a interconexión entre as persoas participantes e potenciando as capacidades creativas de cada un deles.

Non se traballará cun guion establecido. O fío narrativo da actividade baséase na unión dos sentidos e no descubrimento de novas formas de entender a arte.

O obxectivo é fomentar a colaboración grupal e a socialización por medio da creatividade, dar oportunidade á exploración artística traballando en equipo, permitindo á súa vez aumentar o grao de recoñecemento persoal e a autoestima.

QUEN: Colectivo Accem www.accem.es e un equipo de 10 a 15 persoas, de diferentes nacionalidades, interesadas no mundo artístico e creativo, sen ter en conta as súas capacidades físicas nin psíquicas.