A Ciencia e a Tecnoloxía da Luz é  unha actividade de carácter divulgativo, lúdico e interactivo que está formada por varios carteis e mesas temáticas con experiencias e material manipulativo.
Así, consta de:

-Tres liñas de carteis.

Uns enfocados a facilitar a comprensión e o coñecemento científico e aportar a visión da construción da ciencia como unha tarefa colectiva, unha construción humana progresiva e non como un conxunto de verdades reveladas e, tamén, do papel da experimentación no avance do coñecemento científico e o papel dos modelos e as aplicacións das propiedades da luz.
Outros, orientados a favorecer o papel da luz no coñecemento e investigación espacial, presentarán un panorama das ondas electromagnéticas e das súas aplicacións no dominio espacial.   Para esta parte contamos coa colaboración do CNES -CENTRE NATIONAL D'ÉTUDES SPATIALES- Toulouse.

E outros analizan e explican fenómenos relacionados coa luz tanto cotiáns como de gran impacto futuro.

-Módulos de experiencias que exploran a ciencia e a tecnoloxía que xira ao redor da Luz e que podemos clasificar baixo os seguintes epígrafes.

Luz e informática. Programas explicativos
Sundials ou Reloxos de Sol. Código de barras. Lendo e creando códigos de barras de diversos tipos.Espellos, Lentes. Números e cores. Google cardboards para ver realidade virtual, realidade aumentada e 3d.

Luz e tecnoloxía

Portas de luz láser. Fotografía a alta velocidade. Luz e Arduino: 10 exemplos. Luz e robótica e informática con EV3. Robot que segue unha determinada liña co sensor de luz. Movemento con potencia proporcional á intensidade da luz que recibe. Moverse cara a luz. ..

Luz e Arte

Ideas sobre a visión e a percepción da cor que marcaron todo un século da arte pictórica. Ilusións ópticas. Anamorfismo.

Luz e Astronomía

Sextante, medida da Terra de Eratóstenes, cartel xigante de Historia da Astronomia

Luz e xeometría

Viaxe cara ao infinito, multiplicador de imaxes, periscopio, caleidoscopio...

Luz e Matemáticas

O principio de Fermat, medir as alturas con espellos (Euclides), medir con luz, simetrías con espellos, caleidoscopios poliédricos,,,....

Luz e cultura,  As festividades anuais celtas, Día e noite, Os deuses do Sol e da Luz...

Luz e percepción. Varios experimentos están relacionados co funcionamento do ollo, de como este recolle a luz e a procesa. Outros tratan a visión tridimensional e a súa simulación a partir de figuras bidimensionais.

Luz e física. Experimentos de Newton, a espectroscopia, os discos CD e DVD con lectura láser, os láseres, a luz coherente, onda e partícula, os buracos negros, relatividade e luz, etc ,etc

Para inscribirse e para maior información